Իտալիայի Ա Սերիայի 29-րդ տուրի միակ հետաձգված խաղը տեղի ունեցավ ''Լուիջի Ֆերրարիսի'' անվան մարզադաշտում, որտեղ Սամպդորիան սեփական հարկի տակ ընդունել էր Ինտերին: Մրցաշարային աղյուսակում 6-րդ տեղում գտնվող Ինտերին օդի և ջրի պես հարկավոր էին երեք միավոր, իսկ հակառակ դեպքում ոչ մի շանս չէր մնում հասնել լավագույն եռյակին, որը հնարավորություն կտա թիմին մասնակցելու Չեմպիոնների Լիգային: 

Առաջին խաղակեսը անցավ ոչ այդքան դիտարժան պայքարում և շատ գոլային պահեր չտեսանք թիմերի դարպասների մոտ: Ավելի հաճախ էին գրոhում Սամպդորիայի ֆուտբոլիստները և ավելի հաճախ հարվածներ կատարում` սպառնալով Հանդանովիչի դարպասին: Զուր չի լինի նշել Պոլիի ակտիվությունը դաշտում, որն ամեն ինչ անում էր անհանգստացնելու համար ներաձուրիների պաշտպաններին: Չնայած վատ խաղ ցուցադրող սև-կապույտներին, բարձր կարգի շնորհիվ Ինտերը կարողացավ գնդակ խփել մինչ ընդմիջում, իսկ դա արեց արգենտինացի Ռոդրիգո Պալասիոն` գլխի հարվածով խոցելով դարպասը (0-1):

Երկրորդ խաղակեսում, Ինտերը ամեն ինչ անում էր գնդակ չընդունելու համար և փորձում էր հակագրոհների շնորհիվ հասնել հաջողության: Սամպդորիան ամեն իցչ անում էր հաշիվը վերականգնելու համար, բայց դա նրանց չէր հաջողվում, քանզի Սամիր Հանդանովիչը իր բարձրության վրա էր: Խաղավերջում, Ինտերի ռմբարկու Պալասիոն, կարողացավ դուբլ գրանցել իր հաշվին` շրջանցելով 2-3 պաշտպանների գնդակը ուղարկեց դարպասը(0-2):

Ինտերը այս հաղթանակից հետո` վաստակելով 50 միավոր, 5-րդ տեղը կիսում է Լացիոյի հետ և 3-րդ հորիզոնականից ետ է մնում 7 միավորով: