| Գլխավոր էջ » Ֆայլեր » Հանդիպումներ |
Ա Սերիա: Տորինո 0 - 2 Ինտեր (վիդեո)
| 16.09.2012, 19:20 | |
Ա Սերիա 2012/13. 3-րդ տուր. Տորինո 0 - 2 Ինտեր Գոլեր՝ Միլիտո 13', Կասսանո 38' (2-րդ) Զգուշացումներ՝ 22' Բիանկի, 25' Մասիելլո, 35' Ժուան, 38' Նագատոմո, 71' Գացցի, 78' Գուարին, 89' Գլիկ: Իտալիայի Ա Սերիայի 3րդ տուրում միլանյան Ինտերը մրցակցի հարկի տակ հանդիպել էր թուրինյան Տորինոյին: Անդրեա Ստրամաչիոնին առաջին խաղի համեմատ փոփոխություններ էր կատարել մեկնարկային կազմում, մասնավորապես Սիլվեստրեն իր տեղն էր զիջել երիտասարդ Ժուանին: Հենց առաջին րոպեներից թիմերը սկսեցին գրոհել: Առաջին տաս րոպեների ընթացքում դարպասին հարվածներ չկային, բայց երկու թիմերը ակտիվորեն գրոհում էին: Միայն 11-րդ րոպեին տան տերերի կիսապաշտպանը փորձեց ստուգել Հանդանովիչի զգոնությունը, բայց գնդակը շեղ ընթացավ: Րոպեներ անց Դիեգո Միլիտոն մոտ 25 մետրից գնդակը մխրճում է մրցակցի դարպասը՝ առաջ մղելով իր թիմին: Այնուհետև թուրինցիները նետվեցին գրոհների, բայց դրանք այդքան էլ վտանգավոր չէին և Հանդանովիչը կարողանում էր հանգիստ ընդունել մրցակցի հարվածները: Առաջին խաղակեսի միջնամասում Ինտերը ստանում է տուգանային հարվածի իրավունք, հարմար դիրք էր Սնեյդերի համար, որտեղից նա մեկ անգամ չէ, որ արդյունքի է հասել բայց այս անգամ դարպասապահը մի կերպ փրկում է իր թիմին՝ վերջինիս հարվածից հետո: Ինտերը վստահորեն տիրում է գնդակին և արագ փոխանցումներով գրոհներ է կազմակերպում: 35-րդ րոպեին միլանցիներից զգուշացվում է կենտրոնական պաշտպան Ժուանը՝ կոպիտ խաղի համար: Զգուշացվում է նաև Նագատոմոն: Գուարինի փոխանցումից հետո Միլիտոյին մի քանի սանտիմետրեր չհերիքեցին, որպիսի գնդակը ուղղարկի մրցակցի դարպասը: Շատ բարձր տեմպով անցավ առաջին խաղակեսը և այն ավարտվեց հյուրերի նվազագույն առավելությամբ: Երկրորդ խաղակեսի հենց սկզբին Ստրամաչիոնին խաղադաշտ դուրս բերեց արգենտինացի կիսապաշտպան` Ռիկարդո Ալվարեսին, վերջինս արդեն երկար ժամանակ վնասվածքի պատճառով խաղադաշտ դուրս չէր գալիս: Տորինոն երկրորդ կեսում շատ ակտիվ էր գործում առջևի գծում և ամեն կերպ փորձում է հավասարեցնել խաղի հաշիվը: 52-րդ րոպեին Սնեյդերը շատ վտանգավոր հարված կատարեց, բայց հարվածը մի փորքր բարձր ստացվեց: Շատ բարձր տեմպով է անցնում նաև երկրորդ խաղակեսը, երկու թիմերն էլ նետվում էին գրոհների և փորձում հասնել արդյունքի, սակայն վերջին հարվածը չէր ստացվում երկու կողմերում էլ: 62-րդ րոպեին Տորինոյի հարձակվող Բիանկին շատ վտանգավոր հարված կատարեց, բայց Հանդանովիչը տեղում էր: 4 րոպե անց Նույն Բիանկին երկու մետրից շատ ուժգին հարվածով փորձեց գրավել Ինտերի դարպասը, բայց Հանդանովիչը կրկին փրկեց իր թիմին: Խաղից 25 րոպե առաջ խաղադաշտ է դուրս գալիս Անտոնիո Կասսանոն՝ փոխարինելով Ուեսլի Սնեյդերին: Տան տերերից և հյուրերից զգուշացվում են մեկական ֆուտբոլիստներ: Բիանկին իր տեղը զիջում է մեկ այլ հարձակվողի: 80-րդ րոպեին Գուարինի փոխարեն խաղադաշտ է դուրս գալիս Գարգանոն: 83-րդ րոպեին Ալվարեսի փոխանցումից հետո Անտոնիո Կասսանոն տուգանային հրապարակում կասեցնում է գնդակը և ուղղարկում մրցակցի դարպասը՝ հաշիվը դարձնելով 0-2: Հանդիպման վերջնամասը ավելի հանգիստ անցավ, թուրինցիները կարծես թե համակերպվեցին պարտության հետ: Այնուամենայնիվ վերջին րոպեներին զգուշացվում է Գլիկը՝ Տորինոյից: Մրցավարի ավելացրած երեք րոպեներին թիմերը ուղղակի գնդակը պահեցին դաշտի կենտրոնում՝ սպասելով խաղի ավարտին: Եվ այսպես Ինտերը այս մրցաշրջանում տանում է իր երկրորդ հաղթանակը և հնարավոր 9 միավորից վաստակում 6 միավոր: Մեկնարկային կազմերը՝ Տորինո: 1 Ժիլլե, 36 Դարմիան, 25 Գլիկ, 6 Օգբոննա, 17 Ս.Մասիելլո; 33 Բրիղի, 14 Գացի; 19 Ստեվանովիչ, 10 Սգրիգնա, 9 Բիանչի, 7 Սանտանա. Պահեստայիններ: 23 Գոմիս, 2 Ռոդրիգեզ, 3 Դ'Ամբրոզիո, 4 Բաշա, 5 Դի Կեսարե, 11 Չերչի, 20 Վիվես, 24 Սանսոնե, 69 Մեգգիորինի, 77 Վերդի. Մարզիչ: Ջիամպիերո Վենտուրա. Ինտեր: 1 Հանդանովիչ; 42 Ջոնատան, 23 Ռանոկիա, 40 Ժուան Ջեսուս, 55 Նագատոմո; 4 Զանետտի, 14 Գուարին, 19 Կամբիասսո, 31 Պերեյրա; 10 Սնեյդեր; 22 Միլիտո. Պահեստայիններ: 12 Կաստելլացցի, 27 Բելեչ, 6 Սիլվեստրե, 7 Կոուտինյո, 8 Պալասիո, 11 Ալվարես, 21 Գարգանո, 25 Սամուել, 41 Դունկան, 44 Բիանչետտի, 88 Լիվայա, 99 Կասսանո. Մարզիչ: Անդրեա Ստրամաչիոնի. Մրցավար: Լուկա Բանտի | |
| Կատեգորիա: Հանդիպումներ | | |
| Դիտումներ: 1854 | Բեռնումներ: 0 | Մեկնաբանություններ: 15 | |
| Մեկնաբանություններն ընդամենը՝: 15 | 1 2 » | |||||||||
| ||||||||||
0
