Ինտերը հաղթանակ է կորզում ավելացրած ժամանկի վերջին րոպեին - Հանդիպումներ -

Ինտերը հաղթանակ է կորզում ավելացրած ժամանկի վերջին րոպեին

	15.01.2013, 21:08
Ինտեր 3-2 Բոլոնիա Գոլեր` 34' Գուարին 77' Պալասիո 120' Ռանոկիա - 80' Դիամանտի 84' Գաբիադինի Իտալիայի գավաթի 1/4րդ եզրափակչում միլանյան Ինտերը սեփական հարկի տակ հանդիպել էր Բոլոնիային: Ա Սերիայի շրջանակներում այս երկու թիմերը վերջին խաղերում հաղթանակներ էին տարել` Բոլոնիան ջաղջախել էր Կիևոյին 4-0 հաշվով, իսկ Ինտերը առավելության էր հասել Պեսկարայի նկատմամբ 2-0 հաշվով: Անդրեա Ստրամաչչիոնին այս խաղում հանգստանալու իրավունք էր տվել մի շարք խաղացողների` Ռոմայի դեմ խաղից առաջ: Առաջին խաղակեսը ընդհանուր առմամբ անցավ դիտարժան պայքարում: Առաջին 15 րոպեների ընթացքում Ինետրը ստեղծեց երկու շատ վտանգավոր պահ, որոնցում Կասսանոն և Սիլվեստրեն վրիպեցին: Այնուհետև Բոլոնիայի ֆուտբոլիստները ակտիվորեն սկսեցին գրոհել և պատասխանեցին երկու վտանգավոր պահերով, բայց Հանդանովիչը իր բարձրության վրա էր: Առաջին խաղակեսի ավարտից 10 րոպե առաջ կոլումբիացի Ֆրեդի Գուարինը, ստանալով գնդակը տուգանային մատույցների մոտ, շատ ուժգին հարվածով գնդակը ուղղարկեց դարպասի վերևի անկյունը, դարպասապահը անզոր էր (1-0), շատ գեղեցիկ գոլ ստացվեց: Բոլոնյան չընկճվեց և ստեղծեց երկու շատ վտանգավոր պահեր` Ջիլարդինյոի գլխի հուժկու հարվածից հետո Հանդանովիչը հրաշք սեյվ կատարեց և փրկեց իր թիմին վերահաս գոլից: Միլանցիները նույնպես ունեցան հնարավորության հաշիվը կրկնապատկելու, բայց չկարողացան օգտվել դրանցից: Երկրորդ խաղակեսին երկու թիմերն էլ բազմաթիվ հնարավորություններ ունեին գրավելու միմյանց դարպասը: Հյուրերի կազմում ակտիվ էր հատկապես Ջիլարդինյոն, սակայն Ինտերը խաղային և տարածքայիմ մեծ առավելություն ուներ, որը շուտով վերածվեց երկրորդ գոլի: Փոխարինման դուրս եկած Ռոդրիգո Պալասիոն երկրորդ խաղակեսի 32-րդ րոպեին Ժուան Ժեսուսի փոխանցումից հետո Պալասիոն խափս տվեց մրցակցի մի քանի պաշտպաններին և տուգանայինի մատույցներից դուրս հարվածեց դարպասին`կրկնապատկելով հաշիվը (2-0): Թվում էր, թե Բոլոնյան այլևս չի կարող ազդել խաղի ելքի վրա, սակայն ֆուտբոլիստները չէին հանձնվում և ամբողջ թիմով գրոհում էին Հանդանովիչի դարպասը: 80-րդ րոպեին Դիամանտին փայլուն իրացրեց տուգանային հարվածը և կրճատեց հաշվի տարբերությունը (2-1): Այս գոլից հետո Դիամանտին մի քանի վտանգավոր հարվածներ իրականացրեց, բայց Ինտերին փրկեցին Հանդանովիչը և ուղղահայաց դարպասաձողը: Իսկ 85-րդ րոպեին ձախ եզրից հետևած փոխանցումից և Ինտերի ֆուտբոլիստի կոպիտ սխալից հետո Մանոլո Գաբբիադինին մեն մենակ մնաց դարպասապահի առաջ և գնդակն ուղղարկեց դարպասի աջ անկյունը(2-2): 87-րդ րոպեին Անդրեա Ռանոկկիան գնդակն ուղղարկեց մրցակցի դարպասը, սակայն Լուկա Բանտին արձանագրեց խաղից դուրս իրավիճակը: Հիմնական ժամանակը թիմերն ավարտեցին հավասար հաշվով և լրացուցիչ ժամանակն անխուսափելի էր: Առաջին 15 րոպեն թիմերը խաղացին անարդյունք: Տպավորիչ էր Խավիեր Զանետտիի անցումը, նա ներխուժեց տուգանային հրապարակ և հարվածեց դարպասին, Բոլոնյային փրկեց դարպասապահը, մի քանի վայրկյան անց Զանետտին հարվածում է արդեն դատարկ դարպասին, սակայն գնդակը դիպավ դարպասաձողին և դուրս եկավ դաշտի սահմաններից: Լրացուցիչ երկրորդ խաղակեսն ավելի դիտարժան և լարված ստացվեց, թեև խանգարում էր ֆուտբոլիստների հոգնածությունը: Ինտերը կարողացավ հաղթանակ կորզել միայն լրացուցիչ ժամանակի վերջին րոպեին: 120-րդ րոպեին հոտևեց փոխանցում հյուրերի տուգանային հրապարաի կենտրոն, որտեղից Անդրեա Ռանոկկիան գնդակն ուղղարկեց Ալյարդիի դարպասը (3-2): Այսպիսով Ինտերը դժվարին պայքարում կարողացավ ապահովել իր տեղը Իտալիայի Գավաթի կիսաեզրափակչում, որտեղ մեր մրցակիցը կլինի Ֆիորենտինա - Ռոմա զույգի հաղթողը: Թիմերի պաշտոնական մեկնարկային կազմերը` Ինտեր. 1 Հանդանովիչ, 4 Զանետտի, 6 Սիլվեստրե, 14 Գուարին, 18 Ռոկկի, 23 Ռանոկկիա, 24 Բենասսի, 31 Պերայրա, 40 Ժուան Ժեսուս, 42 Ջոնատան, 99 Կասսանո. Պահեստայիններ. 27 Բելեչ, 77 Դի Ջեննարո, 8 Պալասիո, 16 Մուդինգայի, 17 Մարիգա, 19 Կամբիասսո, 21 Գարգանո, 26 Կիվու, 33 Մբայե, 41 Դունկան, 82 Բեսսա, 88 Լիվայա. Մարզիչ. Անդրեա Ստրամաչչիոնի Բոլոնյա. 25 Ագլիարդի, 3 Մորելո, 5 Անտոնսսոն, 10 Ջիլարդինո, 11 Մոտտա, 15 Պերես, 17 Գուարենտե, 23 Դիամանտի, 43 Սորենսեն, 77 Պասկուատո, 90 Պորտանովա. Պահեստայիններ. 1 Կուրչի, 32 Ստոյանովիչ, 4 Կրհին, 13 Պուլզետտի, 18 Գաբբիադինի, 20 Աբերո, 21 Կերուբին, 24 Պապոնի, 28 Ռիվերոլա, 30 Պացիենսա, 33 Կոնե, 45 Դե Կարվալյո. Մարզիչ. Ստեֆանո Պիոլի Գլխավոր մրցավար` Լուկա Բանտի
Կատեգորիա: Հանդիպումներ \| Ավելացրեց: ashxen91
Դիտումներ: 1710 \| Բեռնումներ: 0 \| Մեկնաբանություններ: 6

Մեկնաբանություններն ընդամենը՝: 6

Comments display order:

Spam

6 tiko11 (16.01.2013 16:31) [Материал]

shat hetaqrqir u larvac xax er.. senc xax shutvanic chei tesel))) Guarin@ ira bardzrutyan vra er. gol+pas....Handan el shat lav xaxac inchpes misht.. mi xoskov shnorhavor boloris....FORZA INTER