Ինչպես տեղեկացնում է Gazzetta dello Sport-ը, Ինտերի հեռացող ֆուտբոլիստների ցուցակում են` Ռանոկիան, Բիաբիանին, Նյուկուրին և Սանտոն-Միանգ զույգից մեկը:

Իսպանական Էսպանյոլը հետաքրքրված է Սանտոնի ծառայություններով, սակայն դեռ համաձայնություն չկա: Իսկ ահա Միանգի համար Ինտերը համաձայնության է հասել Կալյարիի հետ:

Ռանոկիայի գործակալը դեռ գտնվում է Լոնդոնում, որտեղ բանակցություններ է վարում Վեստ Հեմի և Հալ Սիթիի ներկայացուցիչների հետ:

Նյուկուրիի ծառայություններով հետաքրքրված են միանգամից 3 ակումբ` Պալերմոն, Կիևոն և Կրոտոնեն:

Ֆրանսիացի ֆուտբոլիստ Ջոնատան Բիաբիանին կարիերան կարող է շարունակլ իտալական Սամպդորիա կամ Բոլոնիա ակումբներից մեկում: Բիաբիանին ցանկանում է տեղափոխվել Ռոբերտո Դոնադոնիի թիմ` Բոլոնիա: