Անդրեա Ստրամաչչիոնի. Մեկ տարի միասին (լուսանկարներ)

Գլխավոր էջ » » Անդրեա Ստրամաչչիոնի. Մեկ տարի միասին (լուսանկարներ)

15:53 Անդրեա Ստրամաչչիոնի. Մեկ տարի միասին (լուսանկարներ)
26 Մարտի 2012 - 26 Մարտի 2013 Այսօր լրանում է ուղիղ մեկ տարի, ինչ երիտասարդ Անդրեա Ստրամաչչիոնին ստանձնել է Ինտերի գլխավոր մարզչի պաշտոնը: Ուղիղ մեկ տարի առաջ այս օրը նա Ինտերի Պրիմավերայից դարձավ Ինտերի առաջին թիմի մարզիչը: 2012 թ-ի մարտի 26-ին իր պաշտոնից հեռացվեց մեկ այլ հռոմեացի` Կլաուդիո Ռանիերին և դա տեղի ունեցավ Իտալիայի դերբիում 2- 0 հաշվով կրած պարտությունից հետո: Խորհրդանշական է, որ Ստրամայի մոտակա խաղը կլինի հենց Յուվենթուսի դեմ հանդիպումը: Այս մեկ տարվա ընթացքում 37-ամյա մարզիչը Ներաձուրրիի հետ անցկացրել է 54 հանդիպում` 29 հաղթանակ, 10 ոչ ոքի և 15 պարտություն: Միջինը Մտրամայի Ինտերը մեկ խաղից վաստակել է 1,8 միավոր, ընդ որում խփելով միջինը 1,8 գոլ և բաց թողնելով 1,34 գոլ: Այս ժամանակահատվածում Ինտերի մարզաշապիկով խաղադաշտ է դուրս եկել 49 ֆուտբոլիստ, որոնցից առաջատարներն են եղել Էստեբան Կամբիասսոն, Խավիեր Զանետտին և Ֆրեդի Գուարինը` 50, 47 և 45 խաղ համապատասխանաբար: Թեև այսօր թիմը լավագույն իրավիճակում չէ, սակայն սա մարզչի մեղքով չէ միայն, այս տարի Ինտերի գերխնդիրն է առանցքային խաղացողների բազմաթիվ վնասվածքները և ակումբի տրանսֆերային անհասկանալի քաղաքականությունը, որի պարագայում անփորձ երիտասարդ մարզչի համար, իհարկե, շատ դժվար է աշխատելը: Ստրաման առաջին իսկ օրվանից պայքարում է այս գույների համար, նա կարևոր մրցակիցների դեմ խաղերում կարողացավ ապացուցել, որ նա ունի բոլոր հնարավորությունները ուժեղ թիմ նախապատրաստելու համար: Եվ ամեն դեպքում, անկախ նրանից, թե ինչպիսին կլինի Ստրամայի հետագա ճակատագիրն Ինտերում, մենք շնորհակալ ենք նրան մեզ հետ անցկացրած գեեցիկ պահերի համար: Եվ հուսով ենք, որ նա կկարողանա իրականացնել ակումբի առջև դրված նպատակները այս մրցաշրջանի համար:
1 2 3 4 5 Կատեգորիա: Տարբեր \| Դիտումներ: 989 \| Ավելացրեց: ashxen91 \| - Վարկանիշ -: 0.0/0