Լոնդոնի Արսենալի գերմանացի հարձակվող Լուկաս Պոդոլսկին պետք է տեղափոխվի Ինտեր արդեն հունվարին: Այդ մասին տեղեկացնում է Corriere dello Sport-ը:

Նույն պարբերականի տեղեկությամբ կողմերը համաձայնության են եկել ֆուտբոլիստի վարձակալության շուրջ: Վարձակալությունը անվճար կլինի ներաձուրրիների համար: Միակ կետը, որ մնում է քննարկվի` ֆուտբոլիստի հնարավոր գնման իրավունքն է: Կլինի արդյոք միայն հնարավոր գնում, թե պարտադիր գնում: Եթե կողմերը համաձայնության գան պարտադիր գնման շուրջ, ապա Էրիկ Տոհիրը պատրաստ է 5-6մլն եվրո տրամադրել տրանսֆերի կայացմանը: Եթե գործարքը կայանա միայն գնման իրավունքով, ապա միլանյան ակումբը պատրաստ կլինի 8մլն եվրո տրամադրել գործարքին: