6 տարի առաջ այս օրը մի խումբ Հայ Ինտերիստներ որոշեցին ստեղծել մի հայալեզու հարթակ, որտեղ աշխարհի բոլոր ծայրերում գտնվող Ինտերի Հայ երկրպագուները կկարողնան  հետևել  ակումբի հետ կապված իրադարձություններին:    

2011 թվականի դեկտեմբերի 21-ից մինչ այժմ FcInter.am-ը Ինտերի միակ հայալեզու կայքն է: 6 տարիների ընթացքում կայքի,իր ֆեյսբուքյան էջի և խմբի միակ նպատակը եղել և մնում է՝ համախմբել Ինտերի հայ երկրպագուներին, ստեղծել հարթակ, որտեղ բոլորս կկարողանանք համախմբվել, ծանոթանալ, շփվել, կարծիքներ փոխանակել, միասին դիտել Ինտերի հանդիպումները, քննարկումներ կատարել, միասին ուրախանալ թիմի հաջողություններով ու հաղթանակներով, և միասին թիմի կողքին լինել, հատկապես, դժվարին պահերին:   Կայքը այս 6 տարիների ընթացքում ապրում է և կշարունակի ապրել մեր` Ինտերիստների շնորհիվ: Շնորհակալ ենք բոլոր նրանց, ովքեր իրենց ներդրումն են ունեցել և ունեն կայքի ստեղծման և զարգացման գործում: 

Վերջին շրջանում մեզ շատ նոր Ինտերիստներ են միացել և մեր բանակը գնալով մեծանում է, ինչի համար մենք շատ ուրախ և հպարտ ենք: Շնորհակալ ենք, որ մեզ հետ եք !  

Սիրե՛ք Ինտերը և երբեք մի դավաճանեք Ձեր սիրելի ակումբին!  

Ֆորցա Ինտեր! Ֆորցա Ինտերի հայ երկրպագուներ!  

Միացեք մեզ նաև ֆեյսբուքյան մեր խմբում (եթե դեռ մեզ հետ չեք):