Պաբլո Օսվալդոյի գործակալը հայտարարել է, որ հնարավոր է՝ իր հաճախորդը լքի «Ռոման», քանի որ նրա ծառայություններով հետաքրքրված են շատ թիմեր, որոնց թվում է նաև «Ինտերը»: Խաղացողի դիրքերը թիմում բավականին թուլացել են, քանի որ վերջերս «Ռոման» 19 մլն-ով ձեռք բերեց Մատիա Դեստրոյին:

«Կարո՞ղ է արդյոք Օսվալդոն լքել Ռոման: Այո՛, նա կարող է լքել թիմը, դա հնարավոր է, բայց ես դեռ վստահ չեմ: «Մալագա՞»: Շատ թիմեր են հետաքրքրված նրա ծառայություններով, որոնց թվում է նաև «Ինտերը»: Ամեն ինչ կախված է «Ռոմայից», ու թե ինչ են նրանք ուզում անել: Ես ոչինչ չգիտեմ: Ամեն ինչ ֆուտբոլում հնարավոր է»,- ասել է գործակալ Դարիո Դեկուդը Romanews.eu-ին:

26-ամյա ֆուտբոլիստը անձամբ հայտարարել է, որ ուզում է մնալ Հռոմում, բայց նշել է, որ ամեն ինչ չէ, որ իրենից է կախված:

sportarmenia.com