Իրենց հավաքականների կազմում միջազգային հանդիպումների մեկնած ինտերիստներից Ռոբերտո Մանչինին անհանգստացնող նորություններ է ստանում:

Բրոզովիչը, Միրանդան և Պերիշիչը տարբեր աստիճանների վնասվածքներ են ստացել:

Բրոզովիչի մոտ կրկնվել է ոտնաթաթի վնասվածքը, որ նա ստացել էր Ատալանտայի դեմ խաղում: 

Մկանային խնդիրների պատճառով Միրանդան բաց կթողնի Բրազիլիայի և Կոստա Ռիկայի միջև հանդիպումը:

Իսկ Պերիշիչը, երեկ կայացած ադրբեջան - Խորվաթիա հանդիպման ժամանակ է վնասվածք ստացել, թեև հավաքականի բժիշկների հավաստմամբ՝ լուրջ խնդիրներ չկան:

Վնասվածքների լրջությունը ցույց կտան բժշկական հետազոտությունները, սակայն Դերբիին ընդառաջ Մանչինին արդեն լուրջ անհանգստություններ կարող է ունենալ: