Ինտերը այժմ շարունակում է առաջնային շեշտ դնել վաճառքի վրա: Հարկավոր է վաճառել առնվազն մեկ ֆուտբոլիստի, որպեսզի լրացնեն տրասնֆերային շուկան: Անունները նույնն են ինչպես և առաջ` Ֆրեդի Գուարին և Ռիկի Ալվարես: Նրանցից մեկը կլքի ակումբը, սպասելով միայն ամենալավ առաջարկին:

Ինչպես տեղեկացնում է TuttoSport-ը, Վալտեր Մացցարին ցանկանում է պահել արգենտինացուն, քանի որ նա մտնում է իր մարտավարական սխեմայում: Այնուամենայնիվ ամեն ինչ կարող է լինել այս տրանսֆերային պատուհանի ժամանակ: Ռիկին շատ է գնահատվում Մոնակոյի կողմից, ովքեր ունեն ֆինանսական անհրաժեշտ պայմանները, որպեսզի համոզեն Ինտերին: Ներաձուրրիները 15մլն եվրո են ցանկանում Ալվարեսի համար, նույն գումարը ինչ Գուարինի համար: