Կրուզեյրոի հենակետային կիսապաշտպան Նիլտոնը մոտ է Ինտեր տեղափոխվելուն: Այդ մասին հայտնում է բրազիլական պարբերական Futebol Interior-ը:

Այս տեղեկությունը հաստատում է ֆուտբոլիստի գործակալը: "Ինտերի հետ միասին ֆուտբոլիստին հետևում են եվրոպական այլ ակումբներ, ինչպես նաև Ռոման, Լիլը և Վալենսիան:" Միևնույն ժամանակ բրազիլական ակումբի տնօրեն Գիլմերս Մենդեսը հայտարարել է, որ ոչինչ չգիտի այդ մասին:

Նիլտոնի տրանսֆերային արժեքը կազմում է 5-6 միլլիոն եվրո: Բրազիլացին Կրուզեյրոի կազմում անցկացրել է 58 հանդիպում և դարձել է 8 գոլի հեղինակ: 2013 թվականին ճանաչվել է Բրազիլիայի Առաջնության լավագույն կիսապաշտպան:

Եթե հավատանք բրազիլական պարբերականին, ապա Նիլտոնը Ինտերին պետք է միանա Լիբերտադորեսի գավաթից հետո: