Իվան Ռամիրո Կորդոբան Milan Channel-ի հետ զրուցել է առաջիկա Միլանյան դերբիի մասին:

«Նապոլիի դեմ խաղից հետո մենք մեր ամբողջ ուշադրությունը բևեռեցինք դերբիի վրա: Դա շատ նորմալ է, քանի որ այս խաղը տարբերվում է մյուսներից. այս խաղին պետք է լինել առավելագույն կենտրոնացում, որպեսզի հաղթես: Ճնշումը կլինի մաքսիմալ ամբողջ հանդիպման ընթացքում: Միլանյան դերբին հիանալի է: Ինձ համար դժվար է ներկայացնել ֆուտբոլիստի ապրումները, ով խաղում է Միլանյան դերբիում: Մենք` բոլորս, ակնկալում ենք մեծ խաղ, և հույս ունենք, որ երկրպագուները կօգնեն իսկական ներկայացում տեսնել այդ խաղում»: