Մացցարի. Եթե Մորատին որոշում է կայացրել, դա Ինտերի օգտին է

Գլխավոր էջ » » Մացցարի. Եթե Մորատին որոշում է կայացրել, դա Ինտերի օգտին է

12:18 Մացցարի. Եթե Մորատին որոշում է կայացրել, դա Ինտերի օգտին է
Սասուոլոյի հետ հանդիպումից առաջ Վալտեր Մացցարին անդրադարձել է թիմի ներկայիս վիճակին և ակումբի վաճառքի վերաբերյալ հրապարակումներին: Ինչպե՞ս է թիմն ընդունում նոր ժամանակահատվածի գալուստը, ինչպե՞ս եք դուք ընդունում դա. «Ինչպես արդեն նշել եմ, դա ինձ նորմալ է թվում: Ես աշխատում եմ թիմի հետ խաղադաշտում, քանի որ դա մեր հետաքրքրությունների ոլորտից է: Այո, ես երեկ հանդիպել եմ Մասիմո Մորատիին: Նախագահը հետաքրքրվում էր մեր տակտիկայով, քանի որ այսօր մենք խաղալու ենք բարդ մրցակցի հետ»: Ինչպե՞ս է Միլիտոն. «Նա հանգսիտ տեսք ունի, սակայն երբ խոսքը գնում է արագության մասին, նա շատ ավելի լավ վիճակում է: Նրան ժամանակ է անհրաժեշտ, և մենք չպետք է ճնշում գործադրենք նրա վրա»: Ձեզ տպավորո՞ւմ է Նապոլին. «Ինձ հետաքրքրում է միայն Ինտերը»: Կարո՞ղ է Տոհիրի գալուստը նոր էնտուզիազմ բերել. «Եթե նախագահը որոշում է կայացրել, ուրեմն դա Ինտերի օգտին է` հաշվի առնելով նրա հսկայական սերը դեպի Ինտեր: Մենք պետք է ընդունենք դա, ըստ երևույթին, ամբողջ տեղի ունեցածն անհրաժեշտություն է: Ֆուտբոլը փոխվում է: Այս փոփոխությունները նոր մղում կտան ակումբին»: Սասուոլոն խաղում է 3 հարձակվողով, դա կարո՞ղ է խնդիրներ առաջացնել ձեր 3 պաշտպանների համար. «Ես չեմ կիսվի տակտիկական լուծումներով խաղից առաջ»: Կարո՞ղ է Ալվարեսը խլել Կովաչիչի խաղային ժամանակը. «Խաղային ժամանակի առումով` ոչ: Խաղում է նա, ում մոտ դա ավելի լավ է ստացվում: Դա վերաբերում է նաև այդ դիրքին»: Համաձա՞յն եք Curva Nord-ի փակման հետ. «Այն, ինչ ես եմ տեսել, ոչ: Սակայն ես չեմ կարող հստակ պատասխանել, քանի որ տեղյակ չեմ` իրականում ինչ է տեղի ունեցել»: Ինչպիսի՞ մարդ է Տոհիրը. «Ես անձնապես նրան չեմ ճանաչում: Կարդացել եմ նրա մասին միայն թերթերում: Ես ունեմ այլ բաներ, որոնց մասին պետք է մտածեմ հենց հիմա: Ես փորձում եմ իմ ներդրումն ունենալ թիմում, որ այն աճի: Մնացած ամեն ինչը չունի մեծ նշանակություն ինձ համար»:
1 2 3 4 5 Կատեգորիա: Հարցազրույցներ \| Դիտումներ: 859 \| Ավելացրեց: Artur \| - Վարկանիշ -: 0.0/0