Մացցարի. Կցանկանայի ավելի կայուն լինել եռյակում տեղ զբաղեցնելու համար

Գլխավոր էջ » » Մացցարի. Կցանկանայի ավելի կայուն լինել եռյակում տեղ զբաղեցնելու համար

22:19 Մացցարի. Կցանկանայի ավելի կայուն լինել եռյակում տեղ զբաղեցնելու համար
Վալտեր Մացցարին հարցազրույց է տվել Ա սերիայի 8-րդ տուրում Տորինոյի դեմ հանդիպումից առաջ: «Մենք դժվար հանդիպում ենք ակնկալում լավ թիմի դեմ, որի մարզիչը տիրապետում է հիանալի կազմակերպչական ունակությունների: Տորինոն վաստակել է ավելի քիչ միավոր, քան արժանի է: Մեզ համար այն կլինի հերթական կարևոր թեստը, բայց ես համոզված եմ, որ մենք կարող ենք ցույց տալ լավ խաղ»: Մարզիչը մեկնաբանել է նաև Ներաձուրիի պարտությունը միջազգային խաղերից առաջ. «Մենք պարտվեցինք այդ խաղում, սակայն մեր խաղն այնքան էլ վատը չէր: Մենք թույլ տվեցինք մի քանի սխալներ, որոնց համար էլ պատժվեցինք, սակայն մեր խաղում կային շատ դրական կողմեր: Մենք պետք է շարունակենք աշխատել որպես թիմ: Կարծում եմ, որ ամեն ինչ լավ է ընթանում, իսկ տղաները մեծ աշխատանք են տարել այսպիսի խաղի հասնելու համար»: Պատասխանելով, թե որ խաղացողն է Տորինոյի կազմում ամենից վտանգավորը, և ինչ սխալներից պետք է խուսափի Ինտերը, Մացցարին նշել է. «Չերչի, Իմմոբիլե և Բարրետո: Նրանք շատ լավ թիմ ունեն, և մենք պետք է շատ զգույշ լինենք: Ես կցանկանայի, որ մենք ավելի կայուն լինեինք վերջնական արդյունքում եռյակում տեղ գտնելու համար»: Մացցարիին հարցրել են նաև Արգենտինայից վերադարձած խաղացողների մասին. «Եթե տոմսն ուշանում է, այդտեղ չկա ոչ մեկի մեղքը, այդ իսկ պատճառով ես անհրաժեշտ չեմ համարում խաղացողներին տուգանելը: Նրանց ֆիզիկական վիճակի մասին տեղյակ չեմ, քանի որ նրանք վերադարձել են միայն երեկ և անցկացրել են մի քանի թեթև մարզում: Նրանք վերադարձել են առանց վնասվածքի, և դա արդեն լավ լուր է: Այսօր ես կգնահատեմ նրանց վիճակը և կընտրեմ, թե ով ավելի լավ պատրաստ կլինի»:
1 2 3 4 5 Կատեգորիա: Հարցազրույցներ \| Դիտումներ: 950 \| Ավելացրեց: Artur \| - Վարկանիշ -: 0.0/0

Մեկնաբանություններն ընդամենը՝: 0

Մեկնաբանություններ ավելացնել կարող են միայն գրանցված անդամները
[ Գրանցում | Մուտք ]