Ինտերի գլխավոր մարզիչ Վալտեր Մացցարին դեմ է հանդես եկել Ռուբինի կիսապաշտպան Յան Մ'Վիլայի ձեռք բերմանը:

Ինչպես տեղեկացնում է Rai Sport-ի թղտակից Չիչո Վեներատոն, 23-ամյա ֆրանսիացին ժամանել է Միլան և պատրաստ էր պայմանագիր կնքել Ինտերի հետ, սակայն Մացցարին հայտնել է թիմի ղեկավարությանը, որ իրեն հարկավոր չէ Մ'Վիլան և բուժզննումը տեղի չի ունեցել:

Ներաձուրրիների գլխավոր մարզիչը դեռ վաղուց էր հասկացնել տվել, որ այդ դիրքում ցանկանում է տեսնել Նապոլիի կիսապաշտպան Վալոն Բեհրամիին կամ ՔՊՌ-ի ֆուտբոլիստ Ստեֆան Մբիային և հայտարարել, որ կարիք չկա գնել Մ'Վիլային, սակայն Ինտերը որոշել է շարունակել բանակցությունները Ռուբինի հետ:

Եթե Ինտերը հրաժարվի Մ'Վիլայի վարձավճարից, ապա Նապոլին կլինի գլխավոր հավակնորդը: