Ինտերի սպորտային տնօրեն Բեպե Մարոտան խոսել է Ինտերի տրանսֆերների մասին․

''Մենք մեծ ակտիվ ենք ձեռք բերել (ի նկատի ունենալով Կոնտեին), հավաստիացնում եմ ձեզ, թիմը վերելք կապրի և կգոհացնի երկրպագուներին: Մենք դեկտեմբեր ամսից աշխատում ենք թիմի կազմը ուժեղացնելու համար:''

Այն հարցին, թե Իկարդին կլինի արդյո՞ք Լուգանոյում թիմի հետ նախապատրաստական փուլում, Մարոտան ասել է.

''Հաջորդ հարցը'', այնուհետև ավելացրել ''Դեռ շուտ է խոսել և գնահատական տալ տրանսֆերների մասին: Կլինի հատուկ մամուլի ասուլիս և կհրապարակվի ամենը: Բայց դրա համար պետք է օրը գա: Եկե՛ք չշտապենք:''

''Լավ ֆուտբոլիստներ հարկավոր են մեզ հաղթանակներ տանելու համար, սակայն հարկավոր է նաև ունենալ ակումբ ճիշտ կառավարման և տեխնիկական առումներով: Մենք ամեն ինչ կանենք նշաձողը բարձրացնելու համար: Եթե տրանսֆերները չեն հրապարակվում, չի նշանակում, որ նրանք չկան՛՛։