Ինտերը ստորագրել է Գրանադայի պաշտպան Ջեյզոն Մուրիլոին, ում պայմանագիրը ավարտվում է այս ամառ: Մուրիլոն W Radio-ին տված հարցազրույցում խոսել է Ինտեր տեղափոխվելու մասին:

"Սա մի առիթ կհանդիսանա, որտեղ հուսով եմ կկարողանամ տալ առավելագույնը: Իհարկե, Գրանադայից կտարբերվի, քանի որ մենք դժվարություններ ունենք Լա Լիգայում մեր տեղը պահպանելու համար և Ինտերը նպատակներ ունի գավաթներ նվաճելու: Նրանք այլ մտածելակերպ ունեն և ես պետք է արագ հարմարվեմ, որպեսզի կարողանանք նոր նպատակներ իրականացնել: Աննկարագրելի է, երբ Ինտերի նման ակումբը հետաքրքրվում է քեզանով և վստահում քո որակներին: Ես դեռ երիտասարդ եմ և դեռ կատարելագործվելու տեղ ունեմ: Իտալական Լիգան հայտնի է "Մեծ" պաշտպաններ ունենալով:"