Միջազգային խաղերի հետ կապված այս դադարը շատ օգտակար է Ինտերի համար, առաջնությունում և Եվրա Լիգայում չորս անընդմեջ հաղթանակներից հետո: Դադարը կօգնի վերականգնել թիմի ուժերը, հատկապես վերջին լարված խաղից հետո:  

Դադարից հետո Անդրեա Ստրամաչչիոնին խաղադաշտ կվերադարձնի Պալասիոյին, ով այս մրցաշրջանում Ա Սերիայում գրեթե չի խաղացել, միայն փոխարինման է դուրս եկել Ռոմայի և Միլանի դեմ խաղերի վերջում: Բայց այժմ Ռոդրիգոն հարյուր տոկոսով պատրաստ է խաղադաշտ դուրս գալ և կարող է դառնալ Ինտերի հարձակման գաղտնի զենքը:

Պատրաստ է վերադառնալ նաև Ռիկարդո Ալվարեսը,ով նոր էր ապաքինվել վնասվածքից, սակայն մկանային գերհոգնածության պատճառով չկարողացավ մասնակցել դերբիին: Մի քանի առանձին վերականգնողական մարզումներ անցկացնելուց հետո նա միացել է ընդհանուր մարզումներին և լիովին պատրաստ կրկին խաղադաշտ դուրս գալուն:

Այս երկու խաղացողների վերադարձը Ինտերի համար օգտակար է, հատկապես, Ուեսլի Սնեյդերի բացակայության պայմաններում: Հիշեցնենք, որ նա ակումբի ղեկավարության համաձայնությամբ, այժմ գտնվում է ԱՄՆ-ում և հատուկ թերապիա է ստանում: Gazzetta dello Sport-ի կարծիքով ամեն ինչ արվում է, որպիսի Սնեյդերը կարողանան վերադառնալ մինչ Յուվենտուսի դեմ խաղը, որը կկայանա նոյեմբերի 3-ին:

fcinternews.it