Ինտերի պաշտպան Անդրեա Ռանոկիան տարբերակներ է քննարկում ակումբը լքելու համար, տեղեկացնում է Tmw-ը: Ֆուտբոլիստը գոհ չէ, որ թիմի գլխավոր մարզիչ Ռոբերտո Մանչինին շատ քիչ խաղային ժամանակ է տրամադրում պաշտպանին:

Նոր մրցաշրջանում իտալացի պաշտպանը մասնակցել է 4 խաղերի, իսկ ընդհանուր առմամբ 42 րոպե, սակայն նախորդ մրցաշրջանում համարվում էր մեկնարկային կազմի խաղացող և թիմին դուրս էր բերում խաղադաշտ ավագի թևկապով:

Իսկ անգլիական  Daily Star պարբերականը տեղեկացնում է, որ 27-ամյա ֆուտբոլիստի ծառայություններով հետաքրքրված են Էվերտոնը և Տոտենհեմը: