Անդրեա Ստրամաչչիոնին պատրաստ է իր երկրորդ դիլանյան դերբիին, որպես Ինտերի գլխավոր մարզիչ: Խաղից առաջ կայացած մամլո- ասուլիսի ժամանակ մարզիչն անդրադարձավ անցած մրցաշրջանի դռբիին, որտեղ Ինտերը սկզբում 1-2 հաշվով պարտվում էր, սակայն կարողացավ հաղթել 4-2 հաշվով.

''Սա միանշանակ այլ խաղ կլինի, քան անցածը, քանի որ մենք նոր խաղացողներ ունենք: Այս մրցաշրջանը մենք միասին ենք սկսել թիմի հետ և դա շատ կարևոր է, և տարբերվում է նրանից, երբ դու թիմը գլխավորում ես մրցաշրջանի կեսին, երբ արդեն շատ բան ետևում է մնացել: Այս ճանապարհը մենք միասին սկսել ենք հուլիսի 4-ին և հասել ենք մինչ Ա Սերիայի 7-րդ տուր'':

Մարզչին հիշեցրեցին, որ նա Բաքվում հարցազրույցի ժամանակ ասել էր, թե այսօր ֆավորիտը Միլանն է.

''Դա կատակ էր... Իրականում դժվար է ասել, թե ով կհաղթի, քանի որ երկու թիմերն էլ մեծ փոփոխություններ են կրել: Ես այս խաղը դիտում եմ որպես հանդիպում, որտեղ ցանկացած արդյունք կարող է գրանցվել, անհնար է կանխատեսել'':

Մասսիլմիլիանո Ալեգրին իր մամլո ասուլիսի ժամանակ ասել էր, որ Ինտերի խաղացողներն ավելի փորձառու են, և իրենք պետք է ավելի խելացի գտնվեն.

''Եթե իմ խաղացողներն ավելի փորձառու են, քան նրանը, ապա Ալեֆրին ավելի փորձառու է, քան ես, այնպես որ կարող ենք ասել, որ մենք առավել ևս անփորձ ենք: Իսկ խելացի լինելու համար, կարծում եմ, որ նա նկատի ուներ, որ Ինտերում համադրված են փորձառությունն ու երիտասարդությունը, ովքեր փորձում են դառնալ այս ակումբի ապագան: Այս խաղը լավ փորձություն է մեզ համար, մի քանի լավ ելույթներից հետո, սա մեզ համար լավ հնարավորույթւոն է ցույց տալ, թե որքանով է զարգացել մեր թիմի մենթալիտետը'':

Ինչպիսի նպատակներ են Ինտերի հետ կապված արդեն իրականացվել, և որոնք դեռ ոչ.

''Ամենադրականը այն է, որ մենք ունենք լավ խումբ, որը միասին աշխատում է մեկ մարդու պես, և լավագույն օրինակը Բաքվում կայացած խաղն էր: Կարծում եմ, խաղացողներն արդեն հասկացել են, որ ես մեծ նշանակություն եմ տալիս մարզումների ընթացքում իմ տեսածին: Իսկ բացասական կողմերից կարող եմ նշալ, որ մեզ դեռ պետք է հաստատուն խաղ գտնել և հարմարվել որոշակի խաղաոճի: Ֆիորենտինայից հետո մեզ ևս մեկ դժվարին խաղ է սպասվում, այն մեզ շատ հարցերի պատասխաններ կտա, դրանք կարող են լինել դրական կամ բացասական, բայց դա վերջնական չի լինի, այլ թույլ կտա մեզ հասկանալ, թե ինչ ուղղությամբ պետք է աշխատենք'':

inter.it