Ստրամաչիոնի.մտածում եմ միայն վաղվա խաղի մասին

Գլխավոր էջ » » Ստրամաչիոնի.մտածում եմ միայն վաղվա խաղի մասին

23:00 Ստրամաչիոնի.մտածում եմ միայն վաղվա խաղի մասին
"Ինտերի" գլխավոր մարզիչ Անդրեա Ստրամաչիոնին հայտարարել է, որ դեռևս չի կենտրոնանում Ա սերիայի մրցաշարային աղյուսակում երրորդ հորիզոնականը գրավելու մտքի վրա, այլ առաջնային է համարում շաբաթ օրը կայանալիք "Կալյարիի" հետ հանդիպումը: "Այսօր ինձ չի մտահոգում մրցաշարային աղյուսակը, ես մտածում եմ միայն շաբաթ օրվա խաղի մասին: Մենք պետք է կենտրոնանանք "Կալյարիի" հետ խաղի վրա` թույլ չտալով, որ աղյուսակի դասավորվածությունը մեզ շեղի: Ես միշտ աշխատում եմ` փորձելով հասնել կատարելության և դա նորմալ է, որովհետև ես մտածում եմ ապագայի մասին: Ֆուտբոլում իրերն արագ են փոփոխվում",- նշել է Ստրամաչիոնին` անդրադառնալով նաև ակումբի նախագահ Մասիմո Մորատիի այն հայտարարությանը, թե 36-ամյա մարզիչը վերադարձրեց թիմի էնտուզիազմը: "Ես չգիտեմ, թե նախկինում ինչպես է եղել: Ես ոչ մի գաղտնիք չունեմ: Ամբողջ շաբաթվա ընթացքում ես փորձել եմ օգտագործել այն ամենը, ինչ գիտեմ, և մեզ միայն մնում է քրտնաջան աշխատել ու մտածել փաստերի մասին: Ինչ վերաբերում է "Կալյարիին", նրանք կազմակերպված ու ամուր թիմ են` շատ վտանգավոր հարձակման գծով: Արդյունքներն արդեն ամեն ինչի մասին խոսում են, կարծում եմ` նրանց համար լավ ժամանակ է",-մասնագետի խոսքերն է մեջբերում Goal.com-ը:
1 2 3 4 5 Դիտումներ: 866 \| Ավելացրեց: Hako \| - Վարկանիշ -: 5.0/11