Ինտերը ակտիվորեն աշխատում է տրանսֆերային շուկայում, որպեսզի ուժեղացնի կազմը, չնայած արդեն համալրվել է Շաքիրիի, Պոդոլսկու և Բրոզովիչի նման ֆուտբոլիստներով:

Ասեկոսներ են պտտվում Անտոնիո Կասսանոյի հնարավոր վերադաձի մասին Ինտեր: Gazzetta dello Sport-ը, անդրադառնալով Կասսանոյին գրում է`

"Տրանսֆերը հնարավոր է, քանի որ Մանչինին ցանկանում է նրան երկու պատճառով: Առաջինը` Օսվալդոն դուրս է թիմի ծրագրերից, նշենք նաև, որ Միլանը առաջարկ է արել Ինտերին Օսվալդո-Ռոմերո փոխանակությամբ և ստացել մերժում, իսկ Օսվալդոն մերժել է Տորինոյին՝ Դարմիանի հետ փոխանակությանը: Երկորդը` Պալասիոն կարող է խաղալ 60 րոպե, ինչը Մանչինիին ստիպում է լրջորեն մտածել հարձակվողի մասին՝ մինչ տրանսֆերային պատուհանի փակվելը: Մանչինին ցանկանում է տեխնիկապես ուժեղ ֆուտբոլիստի, ինչպես Լավեցին":

Բելգիական թերթերը գրում են Ինտերի հնարավոր տրանսֆերի մասին: Ինչպես տեղեկացնում է Het Laaste Niewws-ը, Ինտերը և Կալյարին կփորձեն ձեռք բերել Ստանդարտի 22-ամյա վինգեր Պոլ-Խոսե Մպոկուին: Ֆուտբոլիստը վերջին օրերին գտնվել է Իտալիայում՝ բանակցություններ վարելու ամառը տեղափոխության համար:

Sky Sport-ը տեղեկացնում է, որ Ռոդոլֆոյի հետ բանակցություններ է տարվել Ինտեր տեղափոխվելու համար: Կարծես գործարքը կլինի վարձավճար+գնման իրավունքով, (0.5մլն+4մլն): Սակայն Գրեմիոն հերքում է, որ ֆուտբոլիստը կտեղափոխվի Ինտեր: