Ներկայացնում ենք Ինտերի տարնսֆերային քայլերի շուրջ պտտվող վերջին նորությունները:

Ինտերը փորձում է իրեն ապահովագրել Սամիր Հանդանովիչի հավանական հեռանալուց: Հանդանովիչին հավանական փոխարինող է համարվում Ջենոայի 22-ամյա դարպասապահ Մատտիա Պերինը: Ինտերը պատրաստ է երիտասարդ դարպասապահի համար վճարել 15 մլն. եվրո: 

Եվս մեկ թեկնածու համարվում է Չելսիի երկրորդ դարպասապահ Պետեր Չեխը: Վերջինս դժգոհ է թիմում իրեն հատկացված դերից և ամռանը պատրաստվում է լքել Չելսին:

Մանչեսթեր Սիթիի փորձառու կիսապաշտպան Յայա Տուրեի անունն վերջերս շատ է կապվում Ինտերի հետ: Իտալական լրատվամիջոցների հավաստմամբ Ինտերը ամռանը 15 մլն. եվրոյով կգնի ֆուտբոլիստին: Տրանսֆերին կարող է խոչընդոտել ֆուտբոլիստի բարձր աշխատավարձը: Նշենք, որ ֆուտբոլիստը հայտարարել է, որ Սիթին կլքի միայն այն դեպքում, եթե շաբաթական ստանա 220.000 եվրո աշխատավարձ:

Կատալոնական Բարսելոնայի հարձակվող Պեդրոն ցանկանում է փոխել ակումբը: Լուիս Սուարեսի թիմ գալուց հետո, հարձակվողն անհամեմատ քիչ խաղաժամանակ է ստանում, ինչը ֆուտբոլիստին դուր չի գալիս: Պեդրոյի հաջորդ հնարավոր հանգրվանը կարող է լինել Ինտերը: Corrier dello sport-ը գրում է, որ Պեդրոն արդեն համաձայնեցրել է իր անձնական պայմանագիրը Ինտերի հետ: Նույն աղբյուրի հավաստմամբ կատալոնական ակումբը կստանա 16,5 մլն. եվրո:

Գերմանական լրատվամիջոցները գրում են, որ Ինտերը Ջերդան Շաքիրիին ձեռք բերելուց հետո, պատրաստվում է ևս մեկ ֆուտբոլիստ ձեռք բերել գերմանական բունդես լիգայից: Խոսքը գնում է Դորտմունդի Բորուսիայի հարձակվող Պիեր Էմերիկ Օբամեյանգի մասին: Այս մրցաշրջանից հետո թիմը լքելու է գլխավոր մարզիչ Յուրգեն Կլոպը, ինչը ավելի հավանական է դարձնում գաբոնցու հեռանալը:

Ֆրանսիական Մոնակոյի կիսապաշտպան Ժերեմի Տուլալան ամռանը կմիանա Ինտերին: Գործարքի ֆինանսական կողմի մասին ոչինչ չեն հայտնում: Լուրը դեռևս պաշտոնապես չի հաստատվել:

Ամռանը Կիևի Դինամոն կարող է բաժանվել իր խորվաթ պաշտպան Դամուգոյ Վիդայից: Ֆուտբոլիստի ծառայություններով հետաքրքրվում է Ինտերը, Սենտ-Էտյենը և Նյուքասլը:

Ռոբերտո Մանչինին ցանկանում է իր թիմի կազմը համալրել քաղաքայինների ևս մեկ ֆուտբոլիստով ` Մանչեսթր Սիթիի հարձակվող Ստեֆան Յովետիչով: Յովետիչը Պելեգրինիի թիմում չի համարվում մեկնարկային կազմի ֆուտբոլիստ, իսկ Վիլֆրեդ Բոնիի գալուց հետո ավելի բարդացավ խաղաժամանակ ստանալը: Football Italia-ն գրում է, որ ամռանը Ինտերը ամենայն հավանականությամբ 20 մլն. եվրոյով կգնի հարձակվողին:

Որքան էլ, որ զարմանալի է վերջերս նոր անուն է կապվում Ինտերի հետ: Նոր անունը ասիայից է ` ճապոնական Տոկիոյի ֆուտբոլիստ Յոսինորի Մուտոն: Ֆուտբոլիստի ծառայություններով հետաքրքրված է նաև Չելսիի գլխավոր մարզիչ Ժոզե Մոուրինյոն:

Ինտերը տարբերակներ է փնտրում հարձակման գծում խաղը կարգավորելու համար: 
Daily Star-ը գրում է, որ Ինտերի կազմը կարող է համալրել Լիվերպուլի հարձակվող Ֆաբիո Բորինին: Նախկինում ևս Ինտերը հետաքրքրվել է Բորինիի ծառայությունով:

Ամենայն հավանականությամբ ամռանը Սամիր Հանդանովիչը կլքի Ինտերը: Ֆուտբոլիսը ցանկություն չունի երկարաձգել պայմանագրի ժամկետը: Հանդանովիչի ծառայություններով հետաքրքրված է Ռոման, իսկ դարպասապահը դեմ չէ գայլերի գույները պաշտպանել:

Մատեո Կովաչիչը ևս կարող է հեռանալ Միլան քաղաքից: Խորվաթ ֆուտբոլիստի ծառայություններով հետաքրքրվում է Արսենալը: Լոնդոնցիները պատրաստ են վճարել 24 մլն. եվրո: Գրեթե նույնքան գումար են պատրաստ վճարել Լիվերպուլի ղեկավարությունը: Սակայն Ինտերը ցանկանում է իր ծագող աստղի դիմաց ստանալ 40 միլ. եվրո: Բարսելոնան ևս հավակնություններ ունի: Գումարի չափը նվազեցնելու համար կատալոնացիները ցանկանում են գործարքի մեջ ներգրավել Պեդրոյին:

Մաուրո Իկարդիի հաջող խաղը գրավեց անգլիական գրանդների ուշադրությունը: Իկարդիի ծառայություններով հետաքրքրված են Չելսին, Մանչեսթեր Սիթին և Մանչեսթեր Յունայթեդը: Ավելի վաղ նշվում էր նաև Մադրիդի Ատլետիկոյի անունը: Ֆինանսական կողմի մասին ոչինչ չի հաղորդվում, բայց հավանաբար խոսքը գնում է 25-30 մլն. եվրոյի մասին:

Հ.Գ. Ինտերի հետ կապում են նաև Մանչեսթեր Սիթիի ֆուտբոլիստներ Ջեյմ Միլների, Կոլարովի , Սամիր Նասրիի անունները: Դեռևս պարզ չէ սա լրատվամիջոցների հորինվածն է և կապված է այն փաստի հետ, որ Մանչինին նախկինում գլխավորել է Մանչեսթեր Սիթին, թե իրոք Ինտերի մարզիչը նորից ցանկանում է խաղալ իր նախկին ֆուտբոլիստներով:

Միհր Ավագյան