Daily Express-ի հետ հարցազրույցի ժամանակ, ՊՍԺ-ի կիսապաշտպան Յոհան Կաբայը հայտնել է, որ դժգոհ է իր ստացած խաղաժամանակից:

"Ես կխոսեմ ակումբի հետ իմ ապագայի մասին և կորոշեմ ինչ անել: Ես պետք է խաղամ, որ կարողանամ հասնել իմ նպատակներին:"

Ինչպես հայտնում է SportMediaSet-ը, «Ինտերը» և «Ռոման», որոնք հետևում էին ֆուտբոլիստին Անգլիայում հանդես գալու տարիներին, հույս ունեն ձեռք բերել ֆրանսիացուն: Երկու ակումբներն էլ կարող են տեղ երաշխավորել մեկնարկային կազմում:

Վերջերս տեղեկացնում էին, որ «Մանչեսթեր Յունայթեդը» հետաքրքրվում է Սամիր Հանդանովիչի ծառայություններով: Բայց L’Equipe-ն տեղեկացնում է, որ «Մանչեսթեր Յունայթեդը» կապնվել է Հյուգո Լյորիսի գործակալի հետ: Ակումբը պատրաստվում է առաջարկել 25 մլն եվրո և Վիկտոր Վալդեսին: Այսպիսով, կարծես թե ֆրանսիացին ավելի ցանկալի է «Մանչեսթեր Յունայթեդում» քան «Ինտերի» դարպասապահը:

Ըստ Ալանի գործակալի՝ ««Ուդինեզեն» կանի ամեն ինչ Ալանին պահելու համար»: Radio Crc-ի հետ զրույցում Բրազիլացու գործակալը նշել է՝ "Մենք խոսում ենք կատարյալ ֆուտբոլիստի մասին, և «Ուդինեզեն» ամեն ինչ կանի նրանից չբաժանվելու համար: Նորմալ է, որ Ալանով հետաքրքրված է «Նապոլին» և ոչ միայն նրանք: «Ուդինեզեում» հստակ ոչինչ չկա, ես չգիտեմ արդյոք նա կտեղապոխվի այս ամառ, թե ոչ:"

Ավելի շուտ հաղորդվում էր, որ Բրազիլացու ծառայություններով հետաքրքրված է նաև «Ինտերը»

Ինչպես արդեն տեղեկացրել ենք Ինտերի տեխնիկական տնօրեն Պյերո Աուզիլիոն աշխատում է Յայա Տուրեի և Տիագո Մոտայի տրանսֆերների ուղղությամբ: Սակայն Աուզիլիոն ունի նաև Բ պլան, եթե չկարողանա դրական արդյունքի հասնել վերջին երկու ֆուտբոլիստներին ձեռք բերելու հարցում:

Ինչպես տեղեկացնում է La Gazzetta dello Sport-ը, Ինտերը այլընտրանքը կլինի Գալատասարայում հանդես եկող և Յուվենտուսի նախկին ֆուտբոլիստ Ֆելիպե Մելոն: Ինտերի գլխավոր մարզիչը քաջատեղյակ է բրազիլացու կարողություններից և դեմ չէր լինի նրան տեսնել իր թիմում: 31-ամյա ֆուտբոլիստի պայմանագիրը ավարտվում է 2016թ. և թուրքական ակումբը չի պատրաստվում երկարաձգել այն: