Ձեզ ենք ներկայացնում տրանսֆերային նորությունները կապված Ինտերի հետ մայիսի 1-ի դրությամբ:

Ինչպես հայտնում է իտալական և իսպանական մամուլը, Ալեքս Սոնգը ամռանը կարող է տեղափոխվել «Ինտեր»

Corriere dello Sport-ը հաստատում է, որ բանակցություններ են ընթանում «Ինտերի» ներկայացուցիչների և Սոնգի գործակալի միջև:

Կատալոնական Sport պարբերականը նույնպես հաստատում է այս: Հաղորդվում է, որ «Վեսթ Հեմը» ցանկանում է ֆուտբոլիստի վարձակալությունից հետո գնել նրան, սակայն բավական գումար չունի: Հետևաբար, ֆուտբոլիստը կարող է վարձակալության հիմունքներով տեղափոխվել «Ինտեր»՝ մրցաշրջանի վերջում գնման իրավունքով: Սոնգի պայմանագիրը «Բարսելոնայի» հետ ավարտվում է 2017թ.-ին, ուստի Կատալոնացիները փորցում են հնարավորինս շուտ, շահավետ կերպով վաճառել ֆուտբոլիստին:

Խոսակցությունները Սամիր Հանդանովիչի շուրջ շատացել են, քանի որ Սլովենացի դարպասապահը չի երկարաձգում իր պայմանագիրը «Ինտերի» հետ:

Բրիտանական The Telegraph պարբերականը հայտնում է, որ Մադրիդի «Ռեալը» լրջորեն հետաքրքրված է Հանդանովիչի ծառայություններով, քանի որ նրանց գլխավոր տրանսֆերային նպատակ համարվող Դավիթ Դե Խեային գնելը չափազանց բարդ է:

Սակայն «Ռեալը» պետք է շտապի, քանի որ նրանց նկատմամբ կարող տրանսֆերային արգելք դրվել՝ օտարերկրացի ֆուտբոլիստների մասին օրենքների խախտման պատճառով:

Այսպիսով, Հանդանովիչը և «Տոտենհեմի» դարպասապահ Հյուգո Լյորիսը «Ռեալի» դարպասապահ Իկեր Կասիլյասի հավանական փոխարինողներն են:

Ինչպես տեղեկացնում է Sky-ը, Բունդեսլիգան ներկայացնող Վոլցբուրգը միացել է Խոսե Մաուրիի համար ընթացող պայքարին և կարծես թե լավ հնարավորություններ ունեն նրան ձեռք բերելու համար:

Իտալո-արգենտինացի կիսապաշտպանը ստիպված կլինի լքել Պարման վերջին 5 տուրերը ավարտվելուց հետո, այդպիսով Պարման կկարողանա փոքր ինչ կայունացնել իր ֆինանսական վիճակը:

Ֆուտբոլիստի ծառայություններով հետաքրքրված է նաև Ինտերը:

Ինտերը պատրաստ է գնալ փոխզիջումների Յայա Տուրեի աշխատավարձի համար: Ֆուտբոլիստի գործակալը հայտնել է, որ կոտ-դիվուարցին ստացել է 10մլն եվրո տարեկան, սակայն իտալական ակումբը առաջարկում է 4 տարվա պայմանագիր մոտ 4մլն եվրո աշխատավարձով գումարած բոնուսներ:

Ինչպես տեղեկացնում է Tuttosport պարբերականը, Ինտերը հետևում է Ֆելիպե Լուիսի իրավիճակը Չելսիում: Բրազիլացի պաշտպանը Ժոզե Մոուրինյոի թիմում չափազանց քիչ խաղային ժամանակ և դժգոհ է իր ներկայից իրավիճակից: Սև-կապույտները պարտավորված կլինեն վճարել 15մլն եվրո Չելսիին: Այլընտրանք է համարվում Ատլետիկո Մադրիդի պաշտպան Գիլերմե Սիկեյրոն: