Ձեզ ենք ներկայացնում տրանսֆերային նորությունները կապված Ինտերի հետ մայիսի 8-ի տվյալներով:

Լրագրող Մասսիմիլիանո Նեբուլոնին հայտնել է, թե ինչ է տեղի ունեցել Չեմպիոնների Լիգայի «Բարսելոնա»-«Բավարիա» հանդիպումից հետո.
«Աուսիլիոն և Բրաիդան զրուցել են Կովաչիչի մասին: Լուիս Էնրիկեն լրջորեն հետաքրքրված է Խորվաթ ֆուտբոլիստով, չնայած այս պահին գործարքը չի կարող իրականանալ, քանի որ «Բարսելոնայի» նկատմամբ տրանսֆերային արգելք է դրված մինչև 2016թ.-ի Հունվար»:

Այժմ «Ինտերը» պետք է որոշի՝ վաճառել Խորվաթ ֆուտբոլիստին, թե ոչ: Ռոբերտո Մանչինիի համար միակ ֆուտբոլիստը, որին չի կարելի վաճառել՝ Մաուրո Իկարդին է, և եթե նա լավ առաջարկ ստանա, կարող է զոհաբերել Կովաչիչին:

Յայա Տուրեի գործակալը հաստատել է, որ ֆուտբոլիստը 90% հավանականությամ կլքի «Մանչեսթեր Սիթին» այս ամառ: Հետո նա խոսել է հնարավոր գնորդների մասին.
««Ինտերը» իհարկե հնարավոր տարբերակ է Յայայի համար, բայց ավելի լավ է խոսել այդ մասին, երբ մրցաշրջանը ավարտվի: Մենք լավ հարաբերությունների մեջ ենք «Ինտերի» հետ:
«Յուվենտու՞սը», չեմ ցանկանում մեկնաբանել, դեռ շատ շուտ է, ինչ-որ բան ասելու համար: Այլ ակումբնե՞ր: Անգլիայում կան ակումբներ, որոնք նույնպես հետաքրքրված են Յայայով: ՊՍԺ-ն շատ գումար ունի, ուստի նրանք ել շանսեր ունեն»:

Ինչպես հայտնում է the Daily Telegraph-ը «Ինտերը» պատրաստ է պայքարել «Լիվերպուլի» պաշտպան Մարտին Շկրտելի համար:

Անգլիական պարբերականը հաստատում է Ռոբերտո Մանչինիի և «Ինտերի» հետաքրքրությունը Սլովակ ֆուտբոլիստի նկատմամբ, ինչը աճել է ֆուտոլիստի և «Լիվերպուլի» միջև պայմանագրի երակարացման շուրջ անհամաձայնության պատճառով:

Բացի Շկրտելից, «Ինտերի» մարզիչը շատ է հավանել նաև Կիևի «Դինամոյի» պաշտպան Ալեքսանդր Դրագովիչին և հետևում է նրա շուրջ ծավալվող իրադարձություններին:

 Ռիկի Ալվարեսը այս մրցաշրջանը վարձավճարով անցկացրեց Սանդերլենդում: Համաձայն պայմանավորվածության Սանդերլենդը մրցաշրջանի վերջում, եթե տեղը պահպանի պրեմեր լիգայում կգնի Ալվարեսի տրանսֆերը 11 մլն եվրոյով: Այս պահին 34-րդ տուրում Սանդերլենդ ունի 33 միավոր և զբաղեցնում է 18-րդ հորիզոնականը: Սանդերլենդի գործերը այնքան էլ հաջող չեն ընդանում, իսկ Ինտերին անհրաժեշտ է այդ գումարը: Tuttomercatoweb .com հաղորդում է, որ Ալվարեսի ծառայություններով հետաքրքրված է Լևերկուզենի Բայերը: Դեռևս Բայերը ոչ մի առաջարկ չի արել:

Թուրքական Radyospor-ի հետ զրույցում, Թոլգայ Արսլանի գործակալը հատատել է, որ «Ինտերը» հետաքրքրված է «Բեշիկթաշի» կիսապաշտպանով:

«Ներաձուրին շարունակում է հետևել Արսլանին, բայց ֆուտբոլիստը կենտրոնացած է իր ակումբի վրա, նրան դուր է գալիս Ստամբուլը և նա չի ուզում հեռանալ: Նա ցանկանում է տիտղոս գրավել «Բեշիկթաշի» հետ առաջին մրցաշրջանում: Նրանով հետաքրքրված են նաև այլ երկրներից, սակայն նրա երազանքն է խաղալ Անգլիայում»:

Կլաուդիո Լաուդիսան խոսել է Official TV-ում «Ինտերի» կիսապաշտպան Գնուկուրիի պայմանագրի և Վիդայի տրանսֆերի մասին.
«Իվուարցի ֆուտբոլիստը պատրաստ է երկարաձգել պայմանագիրը մինչև 2020թ., ինչը նվեր է՝ անկացրած լավ մրցաշրջանի համար: Ինչ վերաբերվում է Վիդային, «Ինտերի» հետաքրքրությունը նվազել է, չնայած Մանչինին անձամբ տպավորվել էր նրանով: Հիմա Վիդան կարող է տեղափոխվել Գերմանիա»: