Ինտերի փոխնախագահ Խավիեր Զանետտին երեկ երեկոյան Արգենտինայում զինված հարձակման է ենթարկվել:

Զանետտին իր հոր հետ անձնական ավտոմեքենայով անցնելիս է եղել Բուենոս Այրեսի   հարավային թաղամասերից մեկով, որտեղ նրանց վրա են հարձակվել մի խումբ զինված անձիք և սպառնացել սպանել Ինտերի Կապիտանոյին: Այնուհետև զենքի սպառնալիքով առևանգել են նրա ավտոմեքենան, իսկ Զանետտին և իր հայրը ստիպված են եղել մնալ փողոցում, մինչ ոստիկանության հայտնվելը:

Հանցագործները կարողացել են թաքնվել մեքենայի հետ միասին և մինչ այժմ ոստիկանությանը չի հաջողվել գտնել նրանց: