Այս տարվա Ինտերի
անհաջողություններից հետո, ամենայն հավանականությամբ, ակումբը կլքեն մի շարք
ֆուտբոlիստներ, նաև հավանական է` պաշտոնանկ արվի գլխավոր մարզիչը և այլ պաշտոնում
գտնվող ներկայացուցիչները, քանի որ ակումբի նախագահը և ինչպես նաև
երկրպագուներս, բնականաբար, գոհ չենք թիմի ելույթներից և հատկապես բժշկական
անձնակազմի տարած աշխատանքներից:
Ձեզ
եմ ներկայացնում այն ֆուտբոլիստներին, ովքեր, ամենայն հավանականությամբ, կլքեն ակումբը, արդեն իսկ այս ամռանը և կարծում եմ շատերը կհամաձայնվեն ինձ
հետ:
Եվ այսպես, առաջին թեկնածուներից է Մատիաս Սիլվեստրեն,
այս ֆուտբոլիստին Ինտերը վերցրել էր վարձակալություն + գնման իրավունքով և
պայմանավորվածության համաձայն Ինտերը պետք է գնի ֆուտբոլիստի ամբողջ
տրանսֆերը, հետո միայն իրավունք կունենա վաճառելու նրան, և այժմ գնում են
բանակցություններ Պալերմոյի հետ: Մատիաս Սիլվեստրեն չարդարացրեց
սպասելիքները և ամենայն հավանականությամբ կհեռանա: Տրանսֆերային արժեքը 7.5
մլն եվրո:
Կրիստիան Կիվու: Կիվուին
անընդհատ հետապնդում են վնասվածքները և ռումինացի պաշտպանը նույնպես շատ
հնարավոր է հեռանա Ինտերից` խզելով գործող պայմանագիրը թիմի հետ:
Գաբի Մուդինգայի: Մուդինգայիին Ինտերը 2012-ի ամռանը ձեռք էր բերել, որպեսզի թիմում լինի ճիշտ ռոտացիա: Մուդինգային արդեն 31 տարեկան է, և եթե լինի հարմար տարբերակ Ինտերը կօգտագործի նրան: Հիմա խոսակցություններ կան, որ Գարգանոյի տրանսֆերի դիմաց Ինտեը ուզում է Նապոլի ուղարկել հենց Մուդինգային: Գաբի Մուդինգայի տրանսֆերային արժեքը կազմում է 3-3,5 մլն եվրո:
Ալվարո Պերեյրա:
Ալվարո Պերեյրան չարդարացրեց իրեն Ինտերում, 2012-2013 մրցաշրջանի սկզբում
Պերեյրայի տեղափոխության համար Ինտերը Պորտույին վճարել էր 10 մլն եվրո +
բոնուսներ: Շատ է խոսվում, որ Պերեյրայի նախկին մարզիչ Անդրե Վիլաշ Բոաշը
ցանկանում է տեսնել Պերեյրային իր ներկայիս թիմում՝ Տոտենհեմում: Պերեյրայի
արժեքը 10-12 մլն եվրո է:
Ջոնատան:
Ջոնատանն ունեցավ մի քանի լավ հանդիպում Ինտերի կազմում, բայց ամեն դեպքում
այս ֆուտբոլիստի որակները չեն համապատասխանում Ինտերին: Ջոնատանի
տրանսֆերային արժեքը կազմում է 3,5-4 մլն. եվրո:
Սկելոտո և Կուզմանովիչ:
Այս 2 ֆուտբոլիստները համալրեցին Ինտերը 2012-2013 մրցաշրջանի
ձմեռային տրանսֆերային պատուհանի ժամանակ: 2 ֆուտբոլիստներն էլ
հիասթափեցրին: Դժվար է հասկանալ կհեռանան նրանք Ինտերից, թե ոչ, բայց
խոսակցությունները շատ են: Սկելոտոյի տրանսֆերային արժեքը 6,5 մլն. եվրո է,
իսկ Կուզմանովիչինը 5.5 մլն եվրո, հարկ է նշել, որ Կուզմանովիչին
վաճառելու դեպքում Ինտերը միայն կշահի, քանի որ Կուզմանովիչի տրանսֆերը
Ինտերին արժեցել է 1,2 մլն եվրո:
Ռիկի Ալվարես:
Ռիկի Ալվարեսը այդպես էլ չարդարացրեց սպասելիքները և չդարձավ
թոփ-ֆուտբոլիստ: Լավ առաջարկի դեպքում Ինտերը պատրաստ կլինի բաժանվել
ֆուտբոլիստից: Ռիկիի տրանսֆերային արժեքը կազմում է 10 մլն եվրո:
Դեյան Ստանկովիչ:
Դեյան Ստանկովիչը Ինտերում է արդեն երկար տարիներ, և այն ֆուտբոլիստներից
է, որոնք կերտել են Ինտերի պատմությունը և հաղթանակներ պարգևել թիմին: "Իլ
Դրագոն" արդեն մեծ է՝ 34 տարեկան, և նրան անընդհատ հետապնդում են
վնասվածքները, իսկ ամենագլխավոր խնդիրներից մեկը` նրա բարձր
աշխատավարձն է՝ 4,5 մլն եվրո: Ստանկովիչը կամ կարիերան կշարունակի Ամն-ում,
կամ կմեկնի հայրենիք՝ Սերբիա, իսկ կարիերան ավարտելու որոշում կայացնելու
դեպքում ամենայն հավանականությամբ Ինտերում կզբաղեցնի որևէ պաշտոն:
Տոմազո Ռոկկի:
Ռոկկին Ինտերի 2012-2013 մրցաշրջանի ձմեռային տրանսֆերային պատուհանի ամենաանհասկանալի տրանսֆերն է: Ռոկկին 35 տարեկան է և 2012-2013 մրցաշրջանից
հետո կավարտի ֆուտբոլային կարիերան:
Անտոնիո Կասսանո:
Կասսանոն շատ լավ մրցաշրջան անցկացրեց Ինտերում: Բայց Կասսանոյի ամենամեծ
խնդիրը սեփական բնավորությունն է, որը խանգարել է նրան իր ամբողջ
կարիերայի ընթացքում: Կասսանոն միջադեպ ունեցավ գլխ. մարզիչ Ստրամաչչիոնիի
հետ, չնայած, կարծես թե, ամեն ինչ հարթվել է, սակայն խոսակցությունները շատ
են, որ Կասսանոն կլքի Ինտերը: Կասսանոյի տրանսֆերային արժեքը գնահատվում է
7-9 մլն եվրո:
Եվ վերջում 2 առանցքային և շատ կարևոր ֆուտբոլիստներ Ինտերի համար՝ Ֆրեդի Գուարին, և այսօր աշխարհում թոփ-5 դարպասապահների մեջ մտնող` Սամիր Հանդանովիչ:
Այս 2 ֆուտբոլիստներին առանձնացրել եմ և վերջում եմ ներկայացրել, քանի որ
միայն շատ շահավետ առաջարկների դեպքում է հնարավոր նրանց վաճառքը: Ինտերի
նախագահ Մ.Մորատտին ևս մեկ անգամ նշեց, որ այս 2 ֆուտբոլիստները չեն լքելու
թիմը, բայց ամեն դեպքում, եթե Բարսելոնան Հանդանովիչին գնահատի մոտ 28-30
մլն եվրո և համաձայնվի Ֆաբրեգասին, Մոնտոյային կամ Ալեքսիսին մտցնել Սամիր
Հանդանովիչի գործարքի մեջ, ապա միայն այդ դեպքում է հնարավոր Հանդանովիչի
հեռանալը: Իսկ Գուարինին բաց թողնելու համար Ինտերը պետք է ստանա շատ
շահավետ առաջարկ` ամենաքիչը 20 մլն եվրո, ամեն դեպքում Գուարինի հեռանալը
շատ քիչ է հավանական:
FcInter.am
|