Օրեցօր ավելի ու ավելի վատ են դառնում տրանսֆերային նորությունները: Սկիզբը խոստումնալից էլ, հնչում էին թոփ ֆուտբոլիստների անուններ, ակտիվ բանակցություններ էին գնում, բայց ժամանակի ընթացքում պարզ դարձավ, որ այդ հնչեղ անունները չեն խաղա Ինտերում: Այժմ տրանսֆերները իրականացնելու համար լռիվ այլ նախադրյալ են պետք, փող, բարձր աշխատավարձ, ՉԼ-ում խաղալու հնարավորություն: Ինտերը չի կարող առաջարկել սրանցից և ոչ մեկը:

Ինտերը չի կարողանում համաձայնության գալ Կիևոյի հետ Էրվին Զուկանովիչի տրանսֆերի համար, և խնդիրը ընդհամենը 0,9 մլն եվրոն է: Ժամանակակից ֆուտբոլում, երբ տասնյակ միլիոնները արդեն ոչ ոքի չեն զարմացնում, Ինտերի համար 0,9 մլն եվրոն մեծ նշանակություն ունի: Կամ ևս մեկ օրինակ: Ինտերը չի կարողանում համաձայնության գալ Պարմայի նախկին դարպասապահ Անտոնիո Միրանտեյի հետ, ով այս պահին հանդես է գալիս որպես ազատ գործակալ: ՈՒ բնավ էլ պատճառը երկորդը լինելը չէ, այդ պահին նա բանակցություններ է վարում Յուվենթուսի հետ, և ակնհայտ է, որ թուրինում նա երկրորդն է լինելու: Մինչդեռ Ինտերի կազմում հավանականություն կա, որ Հանդանովիչը կհեռանա, իսկ նա կդառնա առաջին համարը:

Սալահի, Կուադրադոյի, Բենատիայի, Օբամեյանգի, Կոնդոգբիայի գնման համար Ինտերին անհևաժեշտ կլինի շուրջ 130-150 մլն եվրո: Եվ հաշվի առնելով այն հանգամանքը, որ ֆուտբոլիստներ գնելու համար անհրաժեշտ գումարը պետք է ձեռք բերել սեփական ֆուտբոլիստները վաճառելով, հասկանում ես, որ սա գրեթե անհնար սցենար է: Այն ինչ Մանչինին ցանկանում է 8-9 նոր խաղացողներ: Պարզ է չէ, նրանք բոլորը թոփ խաղացողներ չեն լինի, երևի դրանցից մեկ երկուսը:

Իրավիճակը կապված Հանդանովիչի և Կովաչիչի հետ երկակի տպավորություն է թողում: Հանդանովիչը միանշանակ շատ ուժեղ դարպասապահ է, սակայն մենք չունենք նորմալ պաշտպանություն, իսկ Հանդան միայնակ ոչինչ անել չի կարող: Գուցե ավելի լավ է վաճառել նրան, ձեռք բերել մեկ այլ դարպասապահ և ուժեղ պաշտպան/պաշտպաններ: Կովաչիչին փայլուն ապագ է սպասվում, սակայն մեզ հիմա է պետք ուժեղ խաղացողներ, որ դուրս գանք այս խոր անդունդից:
Հուսով եմ շուտով կսկսենք լսել լավ նորություններ, Ինտերը դեռ շատ ժամանակ ունի իրականացնելու անհրաժեշտ տրանսֆերները:

Միհր Ավագյան