Ձանետի. Ինտերն ուժեղ բնավորություն ցույց տվեց

Գլխավոր էջ » » Ձանետի. Ինտերն ուժեղ բնավորություն ցույց տվեց

18:35 Ձանետի. Ինտերն ուժեղ բնավորություն ցույց տվեց
«Ինտերի» ավագ Խավիեր Ձանետին գովաբանել է իր թիմին Ա սերիայի շրջանակներում «Կատանիայի» հետ ոչ ոքիից հետո (2:2): «Ներաձուրիները» գնացին ընդմիջման' զիջելով 2:0 հաշվով, սակայն կարողացան մեկ միավոր կորզել վերջին 20 րոպեում Դիեգո Միլիտոյի և Դիեգո Ֆորլանի խփած գոլերի շնորհիվ: «Հաշվի առնելով, թե ինչպես էր խաղն ընթանում' մենք ուժեղ բնավորություն ցույց տվեցինք: Դա բնավ էլ հեշտ չէր, քանի որ մեր լավ մեկնարկից հետո «Կատանիան» ուժեղ հարվածեց: Ընդմիջմանը դարպասապահ Ժուլիո Սեզարը հանդերձարանում զրուցեց մեզ հետ, ինչի համար շնորհակալ եմ նրան: Մենք բոլորս գիտենք, որ այս իրավիճակն այնքան էլ լավ չէ, և պետք է սկսենք միավորներ վաստակել»: Խոսելով Էստեբան Կամբիասոյի հետ կապված դրվագի մասին, ում փոխարինումը 61-րդ րոպեին մեծ ոգևորությամբ ողջունեցին երկրպագուները' Ձանետին նշել է. «Դուք պետք է մարզչին հարցնեք արդյոք ճի՞շտ էր փոխարինել մեկին, ով այդքան հաղթանակներ է տոնել: Եթե Ռանյերին փոխարինել է նրան, ունեցել է իր պատճառները: Մենք պետք է հասկանանք նաև երկրպագուների տրամադրությունը: Դժբախտաբար մենք շատ հանդիպումներում ենք պարտվել»,-Ձանետիի խոսքերն է մեջբերում Sky Sports-ը:
1 2 3 4 5 Դիտումներ: 907 \| Ավելացրեց: Hako \| - Վարկանիշ -: 5.0/7