Ապրիլի երեքին Դինամո մարզադահլիճում կայացան Totalfootball.am-ի կազմակերպած Fanclubs cup ֆուտզալի սիրողական մրցաշարի երեք հանդիպումները:

Խաղային օրը սկսեցին Արսենալ-Պեգասն ու Բոկա Խունիորսը: Լատինամերիկյան թիմի երկրպագուները հանդիպման սկզբում կարողանում էին դիմադրել մրցակցին, սակայն երկրորդ կեսում արդեն Արսենալ-Պեգասը մեծ առավելություն ստացավ ու հաղթեց 20:5 հաշվով: Այս խոշորագույն հաշվում իր ազդեցությունն ինչպես այն, որ Բոկա Խունիորսն էլ զերծ չէր մնացել այսօր շատ թիմերի մոտ հայտնված հիմնական դարպասապահի վնասվածքից, այպես էլ Արսենալ-Պեգասի ավագ Հայկ Փաշինյանի արդյունավետ խաղը. նա 9 անգամ գրավեց մրցակցի դարպասը:

Լիվերպուլ – Շախտյոր խաղում էլ պայքար չստացվեց: Մերսիսայդյան ակումբի երկրպագուները տասը անգամ գրավեցին մրցակցի դարպասը, բաց թողնելով միայն երկու գնդակ:

Խաղային օրը եզրափակեց Բարսամանիա – Ինտեր մրցավեճը: Այստեղ էլ միայն խաղասկզբում որոշ պայքար ստացվեց, սակայն հետագայում Բարսամանիան անընդհատ ավելացրեց խաղի հաշիվը և եզրափակիչ սուլիչի ժամանակ այն 10:3 էր:

http://www.totalfootball.am/