FcInter.am կայքը երկու տարեկան է!

Գլխավոր էջ » » FcInter.am կայքը երկու տարեկան է!

21:35

Այսօր լրանում է Ինտերի Հայ Երկրպագուների Կայքի հիմնադրման 2 տարին: Ինտերի առաջին և միակ հայալեզու երկրպագուների կայքը իր գործունեությունը սկսեց 2011 թվականի դեկտեմբերի 21-ին` ակումբի նվիրված և համատարիմ հայ երկրպագուների ջանքերով:

Երկու տարվա գործունեության շնորհիվ կայքը հասավ ի սկզբանե իր առջև դրված նպատակին, այն է` համախմբել Ինտերի հայ երկրպագուներին, ստեղծել հարթակ, որտեղ բոլորս կկարողանանք համախմբվել, ծանոթանալ, շփվել, կարծիքներ փոխանակել, միասին դիտել Ինտերի հանդիպումները, քննարկումներ կատարել, միասին ուրախանալ թիմի հաջողություններով ու հաղթանակներով, և միասին թիմի կողքին լինել, հատկապես, դժվարին պահերին: Այնպես է ստացվել, որ կայքի ստեղծումն ու գործունեությունը համընկան Ինտերի համար դժվարագույն ժամանակահատվածի հետ, որի ընթացքում յուրաքանչյուր շարքային ''երկրպագու'' պարզապես կարող է հիասթափվել և երես թեքել ակումբից, բայց, համոզված ենք` ոչ Ինտերիստները!

Չենք ցանկանում խոսել այն դժվարությունների մասին, որոնց պարբերաբար հանդիպում ենք մեր գործունեության ընթացքում, պարզապես ցանկանում ենք հիշեցնել մեր Ինտերիստներին, որ սա Ձեր կայքն է, և մենք մեր կողմից ամեն ինչ անում ենք, հնարավոր և անհնար, որպեսզի այն լինի լավագույնը, սակայն առանց ձեր աջակցության և գնահատականի մեր աշխատանքը, թվում է` անիմաստ կլինի:

Շնորհավորում ենք բոլորիս!

Շնորհակալ ենք, որ մեր կողքին եք! Ֆորցա Ինտեր!