Ֆոռլանի հրաժեշտը Ինտերին, այս մեկ տարվա անհաջող ելույթներից հետո արդեն լուծված խնդիր էր համարվում, եթե հավատանք վերջին օրերին տարածված տեղեկություններին: Դրանց համաձայն Դիեգո Ֆոռլանն արդեն համաձայնվել էր տեղափոխվել Ատլետիկո Մինեյրո, որը հաստատել էր նաև նրա հայրը: 

Իսկ այսօր Մոնտեվիդեոյից, ուր Ֆոռլանը ժամանակից շուտ էր վերադարձել, քան սպասվում էր, հարձակվողը հայտարարել է Ինտերում մնալու իր մտադրության մասին.

՛՛Վերջին ժամանակներս շատ առաջարկներ կան, բայց ես դեռևս  մեկ տարվա պայմանագիր ունեմ և մտադիր եմ հետևել դրան: Ես ինձ լավ եմ զգում Ինտերում և ցանկություն չունեմ լքել այն՛՛,- ասել է Կաչավաչան Nuevo Tiempo ռադիոալիքի հետ հարցազրույցում:

՛՛Շատ բարդ տարի էր ինձ համար, երկու ծանր վնասվածքներով մրցաշրջանի սկզբում, ինձ համար դժվար էր վերադառնալ նոր դերով, տարօրինակ ոչինչ չկա: Ես ինձ լավ եմ զգում Ինտերում և գիտեմ, որ նախագահ Մորատտին հավատում է ինձ: Ես չեմ պատրաստվում հեռանալ, եթե  ղեկավարությունը չի ցանկանում դա: Բայց մինչ այս ոչ-ոք ոչնչն չի ասել ինձ և ես ոչ մի հիմք չունեմ մտածելու տեղափոխության մասին՛՛:

fcinternews.it