Ժուան. Մենք պետք է հաղթենք Յուվենտուսին

Գլխավոր էջ » » Ժուան. Մենք պետք է հաղթենք Յուվենտուսին

00:08 Ժուան. Մենք պետք է հաղթենք Յուվենտուսին
Ինտերի պաշտպան Ժուան Ժեզուսը Inter Channel-ի հետ զրույցում շնորհակալություն է հայտնել գլխավոր մարզիչ Վալտեր Մացցարիին և խոսել Յուվենտուսի դեմ խաղի մասին: «Ամեն նոր մարզումից և խաղից հետո իմ խաղը դառնում է ավելի վստահ, և ես շնորհակալ եմ դրա համար մարզչին: Նա շատ է օգնում ինձ և սովորեցնում տարբեր նրբությունների պաշտպանության և հարձակման վերաբերյալ: Ինտերում մեծ մրցակցություն կա հիմնական կազմի հարցում` Անդրեոլի, Սամուել, Ռանոկիա, Կամպանյերո ... ինձ համար ցավալի է, որ Կիվուն վնասվածքի պատճառով չի կարող օգնել թիմին իր պրոֆեսիոնալիզմով: Իտալիայի դերբիում մենք կանենք ամեն ինչ հաղթանակի համար: Լինի Յուվենտուսը, Միլանը, թե Սասուոլոն, մեր տրամադրվածությունը պետք է լինի անփոփոխ: Յուվենտուսի կազմում շատ լավ խաղացողներ կան, Կարլոս Տեվեսը, Ֆեռնանդո Լյորենտե, Վուչինիչը, սակայն մենք չենք կենտրոնանում միայն հարձակվողների վրա. օրինակ Արտուրո Վիդալը կարող է շատ արագ միանալ հարձակմանը, կամ Պիռլոն, ով վտանգավոր է, երբ գնդակը իր մոտ է»,-նշել է Ժուանը: Աղբյուր` Inter Channel
1 2 3 4 5 Կատեգորիա: Հարցազրույցներ \| Դիտումներ: 952 \| Ավելացրեց: Artur \| - Վարկանիշ -: 0.0/0