Կամբիասսո '' Սա Ինտերի վերածնունդն է''

Գլխավոր էջ » » Կամբիասսո '' Սա Ինտերի վերածնունդն է''

18:02 Կամբիասսո '' Սա Ինտերի վերածնունդն է''
Inter Channel-ի ''Prima Serata'' հաղորդման հյուրը Էստեբան Կամբիասսոն էր: Ռոբերտո Սկարպինիի և Կամբիասսոյի զրույցը սկսվեց հիշողություններից, երբ Կուչուն Մադրիդի Ռեալից տեղափոխվեց Ինտեր. ''Միայն այսպիսի ակումբում խաղալու միտքը շատ գրավիչ էր: Ինձ, որպես ֆուտբոլիստի, մոտիվացնում էր միտքը` գալ թիմ, որն, այդ ժամանակ, հաճախ չէր տիտղոսներ նվաճում, և փոխել իրավիճակը: Այսօր, հետ նայելով Ինտերում իմ առաջին օրվան, հիշում եմ, շատ բան ինձ համար նորություն էր, և ես փորձում էի ամեն ինչ սովորել, որքան հնարավոր է շուտ: Առաջ, Ռեալի կազմում, ես խաղացել էի ''Ջուզեպպե Մեացցայում'' Միլանի դեմ, սակայն հանդես գալ այսպիսի մարզադաշտում Ինտերի երկրպագուների առաջ, միանգամայն այլ է'': Եթե աշխարհի վերջը լինի այսօր, ապա Էստեբան Կամբիասսոն կլինի Արգենտինայի պատմության ամենահաջողակ խաղացողներից մեկը... ''Դա այն ձեռքբերումը չէ, որի համար ես պատրաստ կլինեմ մահանալ: Վստահ եմ, որ Լիոնելը կանցնի բոլոր այդ ռեկորդները, և այն փաստը, որ իմ կողմից դրված նշաձողը կարող է անցնել միայն այդպիսի խաղացողը, միայն հպարտանալու առիթ է ինձ համար'': Ապագայի և մարզչական կարիերայի մասին. ''Դեռ ոչինչ չեմ կարող ասել, ես նույնիսկ դեռ վստահ չեմ, թե դրա համար կոնկրետ ինչ որակներ են անհրաժեշտ: Բոլորը խոսում են մտքի տակտիկական դրվացքի մասին, սակայն մարզիչը ղեկավարում է 25 հոգանոց խումբը'': Իր հայրենակից Ռիկի Ալվարեսի մասին. ''Կարծում եմ, նա ունի ամեն ինչ մեծ խաղացող դառնալու համար: Նա և Ինտերի մյուս նորեկները որոշակի դժվարությունների միջով անցան: Բայց նույնիսկ մեզ համար, ովքեր թիմում են արդեն շատ տարիներ, դժվար ժամանակահատված էր: Ռիկին մրցաշրջանը սկսեց ծնկի վիրահատությունից հետո: Խաղադաշտում նրա գործողությունների մեջ, կլինի դա դրիբլինգ, թե փոխանցում, երբեմն պակասում է ճշգրտությունը, բայց կոնկրետ ինձ դա չի անհանգստացնում: Ալվարեսի պես խաղացողները արժանի են վստահության'': Ռեալ Մադրիդի մասին. ''Կարող եմ ասել նրանց միայն ''շնորհակալություն'': Իրադարձություններն այնպես դասավորվեցին, որ ես ընդունեցի իմ ֆուտբոլային կյանքի լավագույն որոշումը: Ես այն մարդկանցից չեմ, ովքեր երկար ժամանակ հիշում վիրավորված են մնում, ես հավատում եմ ճակատագրին` տեղի ունեցավ իմ հանդիպումը Ինտերի հետ, և այժմ ես այստեղ եմ'': Խաղից առաջ ''ծիսակատարությունների'' մասին. ''Ընդհանրապես դրանք երեքն են, բայց եկեք չմանրամասնենք'': Ինտերը ցանկանում է ձեռք բերել ևս մեկ կենտրոնական հարձակվողի, որին անվանում են վիցե-Միլիտո. ''Այո, բայց ես ցանկանում եմ ընդգծել, որ դա ամենևին էլ չի նշանակում, թե Ինտերն այլևս հույս չի դնում Միլիտոյի վրա, կամ որ նա կհայտնվի պահեստայիններին: Դիեգոյին ոչ ոք չի փոխարինի'': Տաղավարում ցուցադրեցին Կամբիասսոյի գոլը Չեմպիոնների Լիգայի Չելսիի դեմ խաղում, որտեղ Ինտերը հաղթեց 2-1 հաշվով (24 փետրվարի 2010). ''Որքանով է ինձ հաար կարևոր գոլ խփե՞լը: Դա յուրաքանչյուր խաղի ամենալավ պահն է, դա ցանկացած ֆուտբոլիստի երազանքն է: Բայց ամենակարևորը, դա արդյունքն է, և ես միշտ տոնում եմ, երբ իմ խաղընկերների ջանքերով գնդակը հայտնվում է մրցակցի դարպասում: Ի դեպ, լոնդոնյան թիմի դարպասին խփած այս գնդակը ես համարում եմ իմ կարերայի լավագույն գոլը [ժպտում է]'': 2012-ի Ինտերի վերջին մրցակցի մասին. ''Արդյո՞ք Ջենովան կգա ''Մեացցա'' ոչ ոքիի հետևից: Ինձ ընդհանրապես չի հետաքրքրում այլ թիմերի պլանները: Եթե դուք չեք կարողանում հաղթել, դա ձեր խնդիրն է: Եվ մենք նույն կերպ ոչ ոքի չենք մեղադրում, երբ հայտնվում ենք պարտվողի դերում: Անցած տարի մենք ասացինք, որ չենք կարող թույլ տալ ևս մեկ չստացված մրցաշրջան, և թիմն անում է ամն ինչ դրա համար: Կարծում եմ, որ այժմ Ինտերն ապրում է իր վերածնունդը'': Եվ վերջում, շնորհավորանք մոտեցող տոների կապակցությամբ. ''Շնորհավորում եմ բոլոր Ինտերիստների Ամանորը և Սուրբ Ծնունդ! Հաճելի նվերներ բոլորին, և ես հուսով եմ, որ մենք նույնպես կկարողանանք ձեզ ինչ-որ բան նվիրել'': *inter.it*
1 2 3 4 5 Կատեգորիա: Հարցազրույցներ \| Դիտումներ: 827 \| Ավելացրեց: ashxen91 \| - Վարկանիշ -: 0.0/0