20:38 Լիվայա ''Զգուշացիր Հանդանովիչ! Ես ցանկանում եմ գոլ խփել!''
Ինտերի դեմ կիրակնօրյա հանդիպմանը անհամբեր սպասում է նաև Մարկո Լիվայան, ով ցանկանում է իրականացնել իր ցանկությունն ու ''փոքր վրեժը'': Ատալանտայի և Ինտերի 19-ամյա հարձակվողի հարցարզույցը ներկայացրել է TuttoAtalanta.com կայքը: ''Ես ընդունեցի Ատալանտայի առաջարկը, քանի որ երիտասարդ խաղացողի համար, ինչպիսին ես եմ, շատ կարևոր է անընդմեջ խաղալ և կատարելագործվել: Ես ինձ այստեղ` Բերգամոյում, շատ լավ եմ զգում, իսկ թե ինչ կլինի մրցաշրջանից հետո, կորոշենք երկու ակումբների հետ միասին: Բայց ես դեմ չեմ մնալ այստեղ'': Կիրակի օրը նա վերադառնում է Սան Սիրո, և երիտասարդ խորվաթը հստակ նպատակ ունի` նա ցանկանում է գոլ խփել. ''Ես կարծում եմ, որ Հանդանովիչը աշխարհի լավագույն դարպասապահներից մեկն է: Ինչ ես տեղափոխվել եմ այստեղ, միշտ նրան զգուշացրել եմ, որ ցանկանում եմ գոլ խփել նրան'': Այնուհետև Լիվայան խոսեց Ռոդրիգո Պալասիոյի մասին. ''Ես ցավում եմ նրա այս վնասվածքի համար, ինձ համար նա Իտալիայի լավագույն հարձակվողներից է: Նա ինձ շատ լավ էր վերաբերվում և ինձ շատ կարևոր խորհուրդներ է տվել'': Իր հայրենակից Մատեո Կովաչիչի մասին. ''Ինտերը լուրջ ներդրում է կատարել նրան ձեռք բերելով, նա շատ ուժեղ կիսապաշտպան է և դեռ ավելի կուժեղանա'': Անդրեա Ստրամաչչիոնիի մասին. ''Ես շատ շնորհակալ եմ նրան և այն բանի համար, ինչ նա արեց ինձ համար: Նա միանգամից վստահեց ինձ և դա ինձ շատ էր դուր գալիս: Ոչ բոլոր երիտասարդներ կարող են այդքան կարևոր խաղային ժամանակ ստանալ, այնպիսի թիմում, ինչպիսին Ինտերն է'': Իսկ այն հարցին, թե ով կարող է խոչընդոտել նրա գոլ խփելուն, Մարկոն ժպիտով պատասխանեց. ''Հանդանովիչը'': interlive.it
1 2 3 4 5 Կատեգորիա: Հարցազրույցներ \| Դիտումներ: 998 \| Ավելացրեց: ashxen91 \| - Վարկանիշ -: 0.0/0