Մացցարի. Մեկնարկային կազմի հարցում միայն Կովաչիչի վրա եմ վստահ

Գլխավոր էջ » » Մացցարի. Մեկնարկային կազմի հարցում միայն Կովաչիչի վրա եմ վստահ

00:22 Մացցարի. Մեկնարկային կազմի հարցում միայն Կովաչիչի վրա եմ վստահ
Սա 3-րդ խաղն է 7 օրվա ընթացքում: Այսօր Վալտեր Մացցարին հարցազրույց է տվել վաղը կայանալիք Կալյարիի դեմ խաղին ընդառաջ: Ժամանակը բավարարե՞ց պատրաստվել այս խաղին. «Եթե ես ինչ-որ բան ասեմ, դա կնմանվի արդարացման: Ես ցանկանում եմ, որ թիմը լավ խաղ ցուցադրի, բայց չեմ ունեցել նունիսկ 72 ժամ խաղացողների ֆիզիկական վիճակը վերականգնելու համար»: Ինչպես ե՞ք միավորելու շարունակականությունը և արդյունավետությունը, երբ մշտապես ստիպված եք փոփոխություններ կատարել` լիարժեք վերականգնվելու համար. «Դա լավ հարց է, որին ես չեմ կարող պատասխանել: Ցանկացած լրագրող փորձում է պատկերացում ունենալ մեկնարկային կազմի վերաբերյալ, սակայն այսօր ես չեմ կարող ասել` ով կսկսի խաղը մեկնարկից, ես պետք է գնահատեմ խաղացողների վիճակը: Կցանկանայի փոխել Ջոնատանին, նույնիսկ Կամբիասոն լիովին ուժասպառ էր եղել Ֆիորենտինայի դեմ խաղում: Բայց ես կսպասեմ վաղվան, քանի որ Պալասիոն և Ալվարեսը ևս հոգնած են, ես պետք է հասկանամ և գնահատեմ նրանց հոգնածության չափը: Ես ցանկանում եմ թիմ, որը կտա ինձ երաշխիքներ, ուստի պետք է մտածեմ նաև տակտիկական կողմի մասին նույնիսկ այն խաղացողների համար, որոնք քիչ խաղաժամանակ ունեն»: Կապված ձեր հոգնածության և Կալյարի հնարավորությունների հետ սա կարելի է համարել ավելի՞ բարդ խաղ. «Նրանք ունեն լավ մարզիչ, լավ որակներ ունեցող խաղացողներ, և եթե մենք ուշադիր չլինենք, դա կարող է նմանվել բանանի կեղևի պատճառով ընկնելուն»: Արդյո՞ք ժամանակը չէ Կովաչիչին մեկնարկային կազմում տեսնելու համար. «Նա միակ խաղաքարտը չէ իմ ձեռքում: Կովաչիչը վաղը կլինի մեկնարկում: Մատեոն վնասվածքի պատճառով բաց թողեց նախապատրաստական շրջանը, սակայն Կատանիայի դեմ խաղում երևաց, որ նա ճիշտ ուղով է ընթանում, նույնիսկ Ֆիորնետինայի դեմ խաղում դա նկատվում էր: Նա արժանի է վաղը մեկնարկում լինելուն, սակայն պետք է ապացուցի, որ ավելի լավն է, քան մյուսները»: 13 միավոր 5 խաղում: Դուք պետք է երջանիկ լինեք: Դա ձեզ զարմացրե՞ց. «Երբ ես սկսում եմ նոր նախաձեռնություն, ես միշտ փորձում եմ կատարել իմ լավագույն աշխատանքը: Մենք պետք է գործենք առանց սխալների: Ես նշել եմ, որ առաջին օրվանից կարևորում եմ հետևողականությունը»: Որքանո՞վ է դժվար Կամբիասոյին պահեստայինների թվում թողնելը. «Նա ունի հիմնարար նշանակություն իմ տակտիկայի համար, բայց եթե կարող է մասնակցել իր հնարավորությունների միայն 50-60%-ի չափով, ապա կարող են մասնակցել Կուզմանովիչը և Թայդերը` չնայած Թայդերը վերջին շրջանում սկսել է խաղալ մեկնարկից»: Մրցավարը Ռոկին է, դա ձեզ անհանգստացնո՞ւմ է. «Բացարձակապես ոչ: Ես չեմ խոսում այդ թեմայով, այդտեղ չկա ոչինչ ինձ վերաբերող»:
1 2 3 4 5 Կատեգորիա: Հարցազրույցներ \| Դիտումներ: 978 \| Ավելացրեց: Artur \| - Վարկանիշ -: 0.0/0