Մացցարի. Պետք է ցույց տանք մեր խաղը...

Գլխավոր էջ » » Մացցարի. Պետք է ցույց տանք մեր խաղը...

01:11 Մացցարի. Պետք է ցույց տանք մեր խաղը...
Ա սերիան վերադառնում է միջազգային ընդմիջումից: Այս տուրում Ինտերը կհուրընկալվի Բոլոնիային: Վալտեր Մացցարին ինչպես միշտ հերթական հանդիպումից առաջ մասնակցել է մամուլի ասուլիսի. «Կան մի շարք գործոններ, որոնք դուք պետք է պահեք ձեր մտքում միջազգային ընմիջումիմց հետո: Խաղացողները կարող են որոշ չափով կորցնել իրենց մարզավիճակն այդ ընթացքում: Բոլոնիան ունի բարձր որակավորոմ ունեցող խաղացողներ, որոնցից են Դիամանտին, Բյանկին, Կոնեն և Պացիենցան: Նրանք շատ լավ թիմ ունեն, մենք պետք է ուշադիր լինենք: Եթե մենք կարողանանք ցույց տալ մեր խաղը, մենք կհասնենք լավ արդյունքի»: Ակումբում փոփոխությունների վերաբերյալ մարզիչը նշել է.«Ակումբում կատարվողը կարող է լինել ռիսկային, դա ճիշտ է, սակայն ոչ ինձ համար: Հնարավոր է խաղացողների ենթագիտակցությունում, սակայն ես կանեմ հնարավոր ամեն ինչ, որ նրանք ճիշտ տրամադրվեն: Մենք մշտապես աշխատում ենք այն բանի վրա, որ միշտ վստահ լինենք սեփական ուժերի վրա»: Ակումբի նոր նախագահի և սեփականատերի վերաբերյալ Մացցարին նշել է.«Տոհիրը հիանալի տպավորություն թողեց: Նա իմ մասին գիտեր ամեն ինչ, իսկ իմ հասցեին նրա գովասանքը չի կարող չուրախացնել: Սակայն, ես և թիմը կենտրոնացած ենք միայն թիմի առաջիկա խաղի վրա: Ինձ ուրախացրեց ակումբը ղեկավարելու նրա ունակությունըլ Բոլորը պետք է աշխատեն բացառապես թիմի կարիքների համար: Մեր նոր սեփականատերը մտածում է նույն կերպ, ինչ ես»: Մարզչին հարցրեցին նաև խաղացողների ֆիզիկական վիճակի մասին և առաջին հերթին Կամպանյերոյի մասին.«Ես պետք է գնահատեմ` որքանով է նա պատրաստ խաղալ: Մարզման ընթացքում կերևա ներկայիս մարզավիճակը: Միլիտոյի վիճակը լավանում է, սակայն ավելի ճիշտ կլինի չնշել նրա վերադարձի ժամկետ: Նա լավ է, սակայն չի մարզվում ընդհանուր խմբի հետ: Սամուելը խնդիր ունի մկանների հետ, սակայն չեմ կարծում, որ դա երկար կտևի: Իկարդին վերականգնվում է վիրահատությունից հետո: Նա վերականգնողական կուրսեր է անցնում, սակայն ես տեղյակ չեմ, թե որքան դա կտևի»: Վերջապես, Մացցարին խոսել է իր և Ժոզե Մոուրինյոյի համեմատության մասին.«Մոուրինյոն հիանալի մարզիչ է, պետք է նայել միայն նրա ռեկորդներին: Եթե ինչ-որ մեկը տեսնում է մեր միջև ընդհանուր բան, դա պետք է հաճելի լինի, սակայն յուրաքանչյուր մարզիչ առանձնահատուկ է: Բոլոր մարզիչները տարբեր են»:
1 2 3 4 5 Կատեգորիա: Հարցազրույցներ \| Դիտումներ: 1069 \| Ավելացրեց: Artur \| - Վարկանիշ -: 0.0/0