Մացցարի. Խաղացողները պետք է սովորեն Զանետտիից

Գլխավոր էջ » » Մացցարի. Խաղացողները պետք է սովորեն Զանետտիից

13:27 Մացցարի. Խաղացողները պետք է սովորեն Զանետտիից
Վալտեր Մացցարին Լիվորնոյի նկատմամբ տարած վստահ հաղթանակից հետո նշել է. Զանետտիի մասին.«Ես Զանետտին ասացի այն ամենը, ինչ մտածում եմ նրա մասին դեռ հանդերձարանում: Նա համաշխարհային մակարդակի խաղացող է: Դուք` բոլորդ, այսօր կարող էիք համոզվել դրանում: Այն 10 րոպեն, որ նա խաղադաշտում էր, բավական էր թիմին հանգստություն և վստահություն հաղորդելու համար: Դժվար է հիշել խաղացողներ, որոնք այսպիսի վնասվածքից հետո, այսպիսի տարիքում, այսքան արագ կարողացել են վերականգնվել: Սա անհավանական է»: Նախագահի մասին.«Նախագահը մեզ հետ էր ամբողջ օրվա ընթացքում: Սկզբում նա եկավ մարզմանը. երևում էր, որ հաճույք էր ստանում: Մենք չենք նկատում տարածություն խաղացողների և նախագահի միջև, որի մասին ընդունված է խոսել: Նա եկավ հանդերձարան խաղից առաջ և հետո: Նրա համար դա սովորական է»: Խաղի մասին.«Եթե ազնիվ լինենք, ես բարձր եմ գնահատում Լիվորնոյի խաղը: Ես այդ մասին արդեն ասացի մարզիչ Նիկոլեին: Նրա խաղացողները գտնվում են հիանալի ֆիզիկական վիճակում: Նրանք մեզ համար շատ դժվարություններ առաջացրին: Մեզ մոտ շատ բաներ չէին ստացվում մրցակցի կիսադաշտում: Հաշվի առնելով` մեր վերջին հանդիպումները` ես ակնկալում էի մեր կողմից ավելի լավ խաղ, սակայն մենք որոշ չափով ուժասպառ էինք եղել: Ինչ վերաբերում է դրական կողմին, մենք կանգնեցնում էինք մրցակցի գրեթե բոլոր գրոհները` չթողնելով, որ դրանք հասնեն հարվածների մեր դարպասին»: Յուվենտուս-Նապոլի խաղի մասին.«Հավատացեք, ես ուշադրություն չեմ դարձնում մյուս թիմերին, ես այլ խնդիրներ ունեմ: Ես տեսնում եմ, որ իմ խաղացողներ շարունակում են կատարելագործվել, նրանք են Թայդերը, Կովաչիչը: Իմ բոլոր խաղացողները պետք է սովորեն Զանետտիից. բավական է միայն նայել նրան և հասկանալ, որ կարելի է փոխել խաղի ընթացքը 9 րոպեում»: Կովաչիչի մասին.«Մատեոն շատ երիտասարդ է, նա պետք է սովորի լինել ավելի պրագմատիկ. դա կգա ժամանակի ընթացքում: Նա խելացի տղա է: Կովաչիչը սիրում է պահել գնդակն այն ժամանակ, երբ պետք է գնահատի ազատ տարածքները ` փոխանցում կատարելու համար: Ռիկին այսօր ցույց չտվեց իր լավագույն խաղը, ինչպես և Գուարինը: Ֆրեդին ևս սիրում է գնդակ պահել: Նրանք շատ տաղանդավոր տղաներ են և նրանք ունեն մեծ ներուժ առաջընթաց ունենալու համար»: Աղբյուր` Sky Sport Italia
1 2 3 4 5 Կատեգորիա: Հարցազրույցներ \| Դիտումներ: 1016 \| Ավելացրեց: Artur \| - Վարկանիշ -: 0.0/0