Սամպդորիայի գլխավոր մարզիչ Սինիշա Միխայիլովիչը մրցաշրջանի ավարտից հետո կարող է զբաղեցնելԻնտերի մարզչի պաշտոնը, Վալտեր Մացցարիի հեռանալու դեպքում:

Միլանյան ակումբի ղեկավարները արդեն կապնվել են Միխայիլովիչի հետ, հայտնում է Sky Sport Italia:

Նույն պարբերականի համաձայն, 45-ամյա սերբը դեմ չէ մնալ Ջենովայում, սակայն Սամպդորիայի հետ բանակցություններ դեռ չեն եղել պայմանագիրը երկարաձգելու համար:

Միխայիլովիչի պայմանագիրը ակումբի հետ ավարտվում է 2015թ.:

Հիշեցնենք, որ Միխայիլովիչը Ինտերում հանդես է եկել որպես ֆուտբոլիստ 2004թ.-2006թ., իսկ 2006թ. մինչ 2008թ. Ռոբերտո Մանչինիի օրոք տեղ էր զբաղեցրել մարզչական շտաբում:

Տեղեկություններ կան, որ Մացցարին կարող է հեռացվել պաշտոնից Եվրոպա Լիգա չհայտնվելու դեպքում: