Մոուրինյո. Մասիմո Մորատին յուրահատուկ է

Գլխավոր էջ » » Մոուրինյո. Մասիմո Մորատին յուրահատուկ է

01:54 Մոուրինյո. Մասիմո Մորատին յուրահատուկ է
Ժոզե Մոուրինյոն` իմանալով, որ Ինտերի վաճառքի վերաբերյալ Մորատիի և Տոհիրի գործարքը մոտ է ավարտին, օգտվել է առիթից և խոսել Մորատիի մասին. «Մորատին յուրահատուկ է: Նա հանդիսանում է իր խաղացողների հայր և մարզչի ընկեր: Նրա համար ես միշտ կմնամ որպես ընկեր, ով հիացմունքով և մեծ հարգանքով կվերաբերվի նրան»: Մոուրինյոն հիշել է իր առաջին հանդիպումը Մորատիի հետ 2008 թ.-ին Ինտերի հետ պայմանագիր կնքելուց առաջ.«Ինձանից պահանջվեց հինգ րոպե, որ հասկանամ, որ ֆուտբոլը և Ինտերը նրա կյանքն են: Նա երբեք չի ասել, որ Ինտերն իրենն է: Թիմը, նրա խոսքով, պատկանում է երկրպագուներին: Ինտերը միշտ կլինի Մորատիի հետ, Մորատին` Ինտերի: Երիտասարդների մեծամասնությունը Ինտեր ասելով հասկանում է Մորատի և հակառակը: Սա այն ընտանիքն է, որը սիրում է Ինտերին: Մորատին որոշեց վաճառել ակումբը, քանի որ կարծում է, որ դա օգուտ կբերի ակումբին և թիմին»: Մոուրինյոն հիշել է նաև Չեմպիոնների լիգայում հաղթանակի մասին.«Ամենամեծ ուրախությունը, որ ստացել եմ ֆուտբոլից, Չեմպիոնների լիգայի գավաթի հանձնումն էր նրան: Այսպիսով, ես վստահ եմ` Մորատին չի զգում որևէ տիտղոսի պակաս: Նույնիսկ նրա համար, կարծում եմ, դա իր կյանքի լավագույն պահերից էր»:
1 2 3 4 5 Կատեգորիա: Հարցազրույցներ \| Դիտումներ: 1060 \| Ավելացրեց: Artur \| - Վարկանիշ -: 0.0/0