Օբի ''Շուտով կվերադառնամ ընդհանուր խումբ''

Գլխավոր էջ » » Օբի ''Շուտով կվերադառնամ ընդհանուր խումբ''

19:26 Օբի ''Շուտով կվերադառնամ ընդհանուր խումբ''
Բազմաթիվ ֆիզիկական խնդիրներից հետո, որոնց պատճառով նա ստիպված եղավ բաց թողնել գրեթե ամբողջ անցած մրցաշրջանը, Ինտերի նիգերացի կիսապաշտպան Ժոել Օբին պատրաստվում է վերադառնալ խումբ, և շարունակում է իր անհատական մարզումները Ապիանո Ջենտիլեում: ''Ամենից առաջ, ես ցանկանում եմ շնորհակալություն հայտնել Ամենակարող Աստծուն ինձ օգնելու համար վերականգնվել այն վնասվածքներից, որոնք երկար ժամանակ խանգարում են ինձ խաղալ Ինտերում և իմ երկրի համար: Շուտով կմիանամ իմ խաղընկերներին և հուլիսի 10-ից կսկսեմ ամբողջական մարզումները'', - այսօր FC Inter News-ին տված հարցազրույցում ասել է Օբին: ''Դա նշանակում է, որ այդ օրվանից սկսած ես ամբողջությամբ պատրաստ կլինեմ, ինչն ինձ շատ է երջանկացնում: Հեշտ չէ անցնել վնասվածքից վերականգնման այս պրոցեսը, ինչպիսին իմն էր, բայց յուրաքանչյուր պորֆեսիոնալ խաղացող գիտի, որ սա այն իրավիճակներից է, որի հետ հաճախ հնարավոր է բախվել: Այնուամենայնիվ, իմ խաղընկերների հետ կրկին մարզվելը ինձ իսկապես շատ երջանիկ է դարձնում'': sempreinter.com
1 2 3 4 5 Կատեգորիա: Հարցազրույցներ \| Դիտումներ: 948 \| Ավելացրեց: ashxen91 \| - Վարկանիշ -: 0.0/0