Օրիալին Ինտերի մասին. հայացք կողքից

Գլխավոր էջ » » Օրիալին Ինտերի մասին. հայացք կողքից

01:54 Օրիալին Ինտերի մասին. հայացք կողքից
Corriere dello Sport-ը հարցազրույց ունեցել Ինտերի նախկին տեխնիկական տնօրեն Գաբրիելե Օրիալիի հետ, ով 17 մրցաշրջան որպես խաղացող և 12 մրցաշրջան որպես տնօրեն Ինտերում անցկացնելուց հետո հնարավոր է նորից միանա Ներաձուրիին: Ինտերի բաժնեմասերի մեծ մասը Մորատին վաճառեց Տոհիրին: Ի՞նչ կարծիքի եք. «Այդ ամենն ինձ համար տարօրինակ է: Ես ծանոթ չեմ այն մարդկանց, որոնք հնարավոր է դառնան ակումբի նոր սեփականատերեր, սակայն ես լավ եմ ճանաչում Մորատիին: Երբ խոսքը գնում է իտալական ֆուտբոլի մասին, միանգամից սկսում ես մտածել 3 ակումբների մասին` Յուվենտուսն ասոցացվում է Անիելլի հետ, Միլանը` Բեռլուսկոնիի, իսկ Ինտերը` Մորատիի: Ես երբեք չէի կարող պատկերացնել Ներաձուրիի բաժնեմասի վաճառքը»: Դա լավ է, թե՞ վատ. «Ֆուտբոլային աշխարհը փոխվում է այնպես, ինչպես հասարակությունը, որում մենք ապրում ենք: Պետք է խոստովանեմ, որ Ինտերն առանց Մորատիի դժվար կլինի պատկերացնել: Կարծում եմ` նոր սեփականատերերին ձեռնտու կլինի իրենց կողքին ունենալ Մորատիի պես մեկին, ով գիտի` ինչպես Ինտերին բերել հաղթանակների»: Ինչո՞ւ Մորատին գնաց այդ քայլին. «Միայն լավը ցանկանալով: Կարծում եմ` այս որոշումը նրան հեշտությամբ չի տրվել: Ինտերը շատ բան է նշանակում Մորատիի համար, և ինձ թվում է, որ այժմ նա տխուր է այնպես, ինչպես ես էի ակումբից հեռանալիս: Նույնիսկ այժմ իմ Ներաձուրին իմ մի մասն են և ակումբի նկատմամբ զգացումներն ուժեղ են»: Երազում ե՞ք ակումբ վերադառնալու մասին. «Հաշվի առնելով իմ տարիքը, հույս ունեմ, որ դա հեռավոր ապագայի հարց չէ (ծիծաղում է): Եթե լուրջ, ես երջանիկ կլինեի վերադառնալ»: Մացցարին համապատասխանո՞ւմ է Ինտերին. «Ես երկար ժամանակ եմ ծանոթ նրա հետ և կարող եմ ասել, որ նա արժանի էր Ինտերի գլխավոր մարզիչ լինելուն»: Ճի՞շտ է, որ դուք տարիներ առաջ ցանկացել եք հրավիրել նրան ակումբ. «Այո, նա գրագետ մասնագետ է, և զարմանալի չէ, որ Ջոնատանը և Ալվարեսը Մացցարիի օրոք լրիվ այլ կերպ սկսեցին խաղալ: Այո, նա պարտվեց Ռոմային, սակայն խաղի որակից ես գոհ եմ»: Մայիսին Սկուդետտո՞. «Մացցարիին ժամանակ է պետք, այժմ Յուվենտուսն ավելի ուժեղ տեսք ունի: Յուվենտուսի գլխավոր թշնամին կարող է լինել հագեցվածության զգացումը երկու Սկուդետտոներից հետո` չնայած Կոնտերի պես մարզչի հետ դա դժվար թե հնարավոր լինի: Թուրինյան ակումբից հետո գալիս են Նոպալին և Ֆիորենտինան և իհարկե Ռոման Տոտտիի և Ռուդի Գարսիայի հետ միասին»: Ի վերջո, Մացցարին կարո՞ղ է հաղթանակների բերել Ինտերին. «Կարծում եմ` այո: Սակայն պետք է տեսնել, թե որքան արագ Ներաձուրին կկարողանան չեզոքացնել Յուվենտուսից ունեցած տարբերությունը»: Աղբյուր` Corriere Dello Sport
1 2 3 4 5 Կատեգորիա: Հարցազրույցներ \| Դիտումներ: 1132 \| Ավելացրեց: Artur \| - Վարկանիշ -: 0.0/0