16:36 Ռանիերի "Ինտերի երկրպագուներ, մենք պատրաստ ենք խաղին"
"Դերբիները միշտ էլ յուրահատուկ խաղեր են: Այստեղ նշանակություն չունի, թե առաջնությունում որ հորիզոնականում են թիմերը, սա զանգվածային երևույթ է երկրպագուների և խաղացողների համար: Մենք պատրաստ ենք "Միլանի" դեմ խաղալ: Մենք հարգում ենք նրանց, բայց կանենք ամեն ինչ հաղթելու համար". Սա Կլաուդիո Ռանիերիի` հունվարի 15-ին կայանալիք "Միլան"-"Ինտեր" խաղից առաջ կայացած մամլո ասուլիսի բացման խոսքերն էին: "Այն, ինչն իրոք նշանակություն ունի վաղվա խաղում, դա 3 միավոր վաստակելն է: Եթե մենք հաղթենք, ապա կկարողանանք բարելավել մեր դիրքերը մրցաշարային աղյուսկում, իսկ եթե հաղթի "Միլանը", ապա մենք նույն տեղում կմնանք, բայց մենք դեռևս ժամանակ կունենանք պայքարելու և նրանց հասնելու համար:" Ռանիերին դիմեց նաև բոլոր Ինտերիստներին. "Մեր երկրպագուները կարող են վստահ լինել, որ մենք կպայքարենք յուրաքանչյուր գնդակի համար: Ես հուսով եմ, որ սա կլինի այն դերբին, որը դուք կվայելեք: Մենք սա կանենք մեր երկրպագուներին ուրախացնելու համար: Թող հաղթի ուժեղագույնը": Ռանիերին խոսեց նաև հատուկ մարզումների մասին և ,նախ և առաջ, Ժուլիո Սեզարի մասին. "Այս պահին նա լավ վիճակում է: Հուսով ենք, որ նա այսպես էլ կշարունակի նաև վաղը, բայց միշտ փոքր ինչ անհանգստություն կա, երբ դա մեջքի վնասվածք է": Սնեյդերի մասին նա ասաց. "Ինչքան ժամանակ նա կկարողանա դիմանա՞լ խաղադաշտում: Ես չեմ կարող ասել, քանի որ նա երկար ժամանակ չի խաղացել, բայց նա շատ լավ մարզավիճակում է: Նա պատրաստ է խաղին, ինչպես նաև Կիվուն և Ֆոռլանը: Ես շատ եմ ցավում Ստանկովիչի համար, քանի որ նա երեկվա մարզման ժամանակ կրկին ցավ զգաց, մենք կարծում էինք, որ նրանք բոլորն էլ պատրաստ են խաղին, ես ցավում եմ նրա համար": Իսկ մամլո ասուլիսից հետո Inter Chanell-ին տված հարցազրույցի ժամանակ ասաց. "Ինտերն" ու "Միլանը" աշխարհի հզոր ակումբներից են, և բնականաբար ողջ աշխարհի ուշադրությունը կենտրոնացած է դեպի Միլան և դեպի այս դերբին: Հիանալի է տեսնել, որ ամբողջ աշխարհը մեզ է դիտում և որ մեր երկրպագուները մեր կողքին են: Այս խաղը շատ յուրահատուկ է, բայց միևնույն ժամանակ այն շատ պատասխանատու է": Իսկ այն հարցին, թե արդյոք դերբիի ժամանակ հնարավոր է հաղթել դաշտի կենտրոնում լավ խաղալով, Ներաձուրիի մարզիչը պատասխանեց, "Դաշտի կենտրոնը միշտ եղել է գլխավոր վայրը, որտեղ մենք պետք է լավագույն ստրատեգիան և լավագույն խաղացողներն ունենանք, որպեսզի երաշխավորենք մեր հաղթանակը": inter.it
1 2 3 4 5 Դիտումներ: 987 \| Ավելացրեց: ashxen91 \| - Վարկանիշ -: 3.8/23