Ռանիերիի հարցազրույցը Inter Channel-ին

Գլխավոր էջ » » Ռանիերիի հարցազրույցը Inter Channel-ին

15:22 Ռանիերիի հարցազրույցը Inter Channel-ին
Կլաուդիո Ռանիերին Իտալիայի Գավաթի 1/4 եզրափակչի "Նապոլիի" հետ խաղից առաջ հարցազրույց է տվել Inter Channel-ին: Ռանիերի, "Նապոլին" կխաղա 12-րդ խաղացողի առավելությամբ, ի՞նչ է անհրաժեշտ "Սան Պաոլոի" պես մարզադաշտը "լռեցնելու" համար. "Մեզ պետք է բարձր արդյունավետությամբ տակտիկա, այն ինչ անհրաժեշտ է, եթե մենք ցանկանում ենք շարունակել պայքարը Իտալիայի Գավաթում: Սա հիանալի խաղ է լինելու": Մի քանի տարի առաջ Իտալիայի Գավաթը որոշակի անլուրջ վերաբերմունքի էր արժանանում, սակայն հիմա տենդենց է նկատվում, որ բոլոր թիմերը մինչև վերջ պայքարում են. "Ես նույնպես կարծում եմ, որ սա կախված է նրանից, որ Իտալիայի Գավաթում հաղթանակը կարող է ճանապարհ հարթել դեպի Եվրոպա: Այժմ, սակայն, մենք մտածում ենք միայն "Նապոլիի" մասին, որը մեզ հաղթեց առաջնությունում, Միլանում: Մենք այդ խաղում գրեթե ամեն ինչ ճիշտ արեցինք, և ես հիշում եմ գեղեցիկ առաջին խաղակեսը: Մենք գոլ խփեցինք, որը արդարացիորեն չհաշվվեց: Այնուհետև Օբին երկրորդ դեղինը ստացավ և այդ վիճահարույց 11-մետրանոցը նշանակվեց: Մենք գեղեցիկ խաղ խաղացինք, հատկապես առաջին խաղակեսում: Չեմպիոնների Լիգայում նրանք շատ լավ հանդս եկան և այժմ մենք պետք է հանդիպենք նրանց Իտալիայի Գավաթում: Անցած տարի նույնպես Իտալիայի Գավաթում հանդիպեցին թիմերը:Ինտերը հաղթեց 11-մետրանոցներով և մենք վաղն իսկական ճակատամարտի ենք սպասում": Ռևանշի ցանկություն կա՞ "Նապոլիի" նկատմամբ, առաջնությունում կրած պարտությունից հետո. "Ինձ համար միշտ էլ ռևանշի ցանկություն կա: Ես միշտ հարգում եմ մեր հակառակորդներին և պետք է հարյուր տոկոսով կենտրոնացած լինենք: "Նապոլին" գտել է իր մարզավիճակը և Դե Լաուրինտիսի նախագահ դառնալուց հետո տարեց տարի ավելի է կատարելագործվում: Նրանք հսկայական աշխատանք են կատարել և մենք առողջ թիմի կհանդիպենք: Մենք և' ներքին, և' արտաքին գեղեցիկ խաղ ենք ակնկալում": "Նապոլիի" կազմում կա՞ որևէ կոնկրետ ֆուտբոլիստ, ով ձեզ շատ է դուր գալիս. "Նրանք այնքան շատ են: Բայց ես մեր ֆուտբոլիստներին եմ սիրում": Իտալիայի Գավաթը շատ կարևոր է "Ինտերի" երկրպագուների համար և վերջին տարիներին նրանք շատ են ճանապարհորդում դեպի Հռոմ: Արդյո՞ք դա նատակ է. "Դուք ինձ հարցնում եք Հռոմի մասին: Ես նույնպես ցանկանում եմ Հռոմ գնալ.... /ժպտում է/": Հիշեցնենք, որ Իտալիայի Գավաթի 1/4 եզրափակչի "Նապոլի"- "Ինտեր" հադիպումը տեղի կունենա այսօր` հունվարի 25-ին, "Սան Պաոլո" մարզադաշտում, Երևանի ժամանակով 23:45-ին: inter.it
1 2 3 4 5 Դիտումներ: 944 \| Ավելացրեց: ashxen91 \| - Վարկանիշ -: 3.4/20