Սկելոտտո '' Ֆուտբոլիստի իմ մոդելը Զանետտին է''

Գլխավոր էջ » » Սկելոտտո '' Ֆուտբոլիստի իմ մոդելը Զանետտին է''

02:07 Սկելոտտո '' Ֆուտբոլիստի իմ մոդելը Զանետտին է''
Այսօր ''Անջելո Մորատտի Սպորտ Կենտրոնում'' Զդրավկո Կուզմանովիչը և Էզեկիել Սկելոտտոն պաշտոնապես ներկայացվեցին որպես Ինտերի խաղացողներ: Նրանք պատասխանեցին կենտրոնում հավաքված լրագրողների հարցերին: Առաջինը խոսեց Սկելոտտոն և պատասխանեց այն հարցին, թե ի՞նչ է իր համար նշանակում Ինտեր տեղափոխվելը. ''Սա երազանք է: Ամեն օր չէ, որ զանգ կստանաս աշխարհի լավագույն ակումբներից մեկից: Ես ցանկանում եմ շնորհակալություն հայտնել նախագահ Մորատտիին և բոլորին, ովքեր այս ակումբում են: Ես ընտրել եմ 7 համարը, քանի որ Իտալիա տեղափոխվելուց հետո միշտ փորձել եմ այդ համարի ներքո հանդես գալ, և այն ինձ հաջողություն է բերել: Եվ Ինտերում այն ազատ էր: Արդյոք կային այլ ակումբնե՞ր Ինտերից բացի: Սա դժվար ամիս էր, բայց այս պահին ես մտածում եմ միայն Ինտերի մասին, այն թիմի, որում ես շատ էի ցանկանում հայտնվել'': ''Ես գիտեի մի քանի Ինտերի խաղացողների մինչ այս, քանի որ խաղացել եմ նրանց հետ, կամ նրանց դեմ: Ես միշտ ցանկացել եմ միանալ այս թիմին: Բանակցություններն, իհարկե, հարթ չէին ընթանում, բայց ահա, վերջապես, ես այստեղ եմ, և ինձ զգում եմ ինչպես տանը, քանի որ իմ խաղընկերները, ակումբը և մարզիչը շատ ջերմ ընդունեցին ինձ առաջին իսկ օրվանից: Ես գոհ եմ իմ կատարած ընտրությամբ'': Իր նախընտրած խաղային դիրքի մասին Սկելոտտոն նշեց. ''Դիրքը կապ չունի, կարևորը խաղալն է: Ես արդեն շփվել եմ Ստրամաչչիոնիի հետ, նա բացատրեց, թե ինչ է ուզում ինձնից, և ես պատրաստվում եմ անել ամենը, որպիսի վճարեմ իմ նկատմամբ նրա հավատի համար: Իտալիա գալուց ի վեր, ես միշտ խաղացել եմ 4-4-2 -ում: Նախընտրում եմ խաղալ եզրում, հուսով եմ, որ Ինտերում կունենամ նույն դիրքը: Պրանդելիի խոսքե՞րը: Ես հպարտ եմ և ուրախ այն բանի համար, ինչ նա ասել է, բայց այս պահին ես մտածում եմ միայն Ինտերի մասին և ցանկանում եմ այստեղ հաջողության հասնել'': Սկելոտտոյի տեղափոխության հետ կապված բանակցությունները մի քիչ ձգձգվեցին. ''Իմ գործակալները և ինձ հարազատ մարդիկ աջակցում էին ինձ, հորդորում էին, որ համբերությամբ զինվեմ: Ես ուրախ եմ, որ այս սպասողական վիճակն արդեն անցյալում է, և ես մտածում եմ միայն ներկայի մասին: Ես երբեք անհանգստացած չէի, որ գործարքը կարող է չիրականանալ'': ''Ես երջանիկ էի Ատալանտայում, հասկանում եմ, նրանք ցանկանում էին պահել ինձ մինչ մրցաշրջանի ավարտը, բայց ես պետք է կատարեի այս ընտրությունը: Ինտերը ինձ այդպիսի հնարավորություն տվեց և այն, ինչ ես կարող եմ անել, շնորհակալություն հայտնել Բերգամոյին ամեն ինչի համար, որ նրանք արել են ինձ համար: Ես ինձ ամբողջությամբ նվիրում էի խաղին Ատալանտայի մարզաշապիկով, առաջինից մինչ վերջին րոպեն: Այժմ ես կրում եմ նույն սև և կապույն գույները, բայց ես Ինտերիստա եմ` սա գնացք չէ, որն ամեն օր անցնում է'': Սկելոտտոն խաղացել է Յուտո Նագատոմոյի հետ Չեզենայում. ''Կարծում եմ, որ նա ավելի հասուն խաղացող է: Մենք միայն 6 ամիս ենք միասին անցկացրել նույն թիմում, բայց այժմ, լինելով տարբեր ակումբներում, մենք կրկին խաղընկերներ ենք: Ես ուրախ եմ տեսնել, որ նա այսպես առաջընթաց է ապրում: Նա եկավ այստեղ և ցույց տվեց, թե ինչ արժեք ունի'': Եվ վերջում, Սկելոտտոյին հարցրեցին, թե ո՞վ է նրա համար օրինակ ծառայում, ո՞վ է խաղացողի նրա մոդելը. ''Ես միշտ ասել եմ, որ դա Խավիեր Զանետտին է: Այլևս բան չունեմ ավելացնելու: Դուք բոլորդ էլ գիտեք, թե նա ինչպիսի մարդ է և խաղադաշտում և նրա սահմաններից դուրս: Հուսով եմ, որ կկարողանամ գնալ նրա հետքերով'': Inter.it
1 2 3 4 5 Կատեգորիա: Հարցազրույցներ \| Դիտումներ: 936 \| Ավելացրեց: ashxen91 \| - Վարկանիշ -: 0.0/0