Գլխավոր էջ » 2012 Սեպտեմբեր 10 » Սնեյդեր ՛՛Իմ Ինտերը կարող է հաղթել Յուվեին՛՛
16:31 Սնեյդեր ՛՛Իմ Ինտերը կարող է հաղթել Յուվեին՛՛ |   ''Իմ Ինտերը կարող է հաղթել Յուվեին: Ես չեմ կարծում, որ նրանք մեզանից ուժեղ են՛՛, - ասել է Ուեսլի Սնեյդերը
Gazzetta dello Sport-ին տված հարցազրույցում:Շատ է խոսվում այն մասին, թե իտալական ֆուտբոլը անկում է ապրում: Սնեյդերը իտալական ֆուտբոլի դեմքերից է դարձել և այն քիչ խաղացողներից, ովքեր չհեռացան Իտալիայից. ՛՛Ես երբեք չեմ կարծել, թե իտալական ֆուտբոլը անկում է ապրում և հիմա նույնպես այդպես չեմ մտածում՛՛: Բայց այս մրցաշրջանում, կարծես թե, մրցակցությունը կլինի մենախոսություն, քանի որ բոլորը միայ Յուվեի անունն են տալիս. ՛՛Չեմ կարծում, թե Յուվեն ամենաուժեղն է, ավելի ուժեղ քան մենք, կամ մի քանի այլ թիմեր: Կարծես, Միլանն է մասերի բաժանվել, սակայն նրանք դեռ շատ լավ խաղացողներ ունեն: Բոլորի համար էլ դժվարն կլինի հաղթել առաջնությունում: Յուվեն գործող չեմպիոնն է և, բնականաբար, ֆավորիտը, բայց մենք կարող ենք հաղթել նրանց՛՛: Այնուամենայնիվ, Ռոման հաղթեց ձեզ. ՛՛2-1 հաշվի ժամանակ խաղն արդեն ավարտված էր: Բայց մենք պետք է խաղանք, նույնիսկ 2-1 հաշվով պարտվելու դեպքում: Մենք խաղում ենք հաղթանակի համար, միշտ՛՛: Պաշտպանույթւոնը փոքր ինչ անվստահ է գործում. ՛՛Պաշտպանությունն, իհարկե, պետք է բարելավվի: Ռոմայի հետ խաղում մենք չունեինք Կիվուին , նրա ներկայությունը շատ կարևոր է կենտրոնական պաշտպանության համար: Մի խոսքով, բոլորիս էլ ինչ որ բան չհերիքեց, բայց ես վստահ եմ, որ մենք լավ թիմ ունենք և ճիշտ մարզիչ: Մենք մինչև վերջ կպայքարենք, ինչպես առաջնությունում, այնպես էլ Եվրոպա Լիգայում՛՛: Եվրոպա Լիգան իրական նպատա՞կ է այնպիսի ակումբի համար, ինչպիսին Ինտերն է. ՛՛Ինչո՞ւ ոչ: Եթե ունենք լավ թիմ, ինչու չանցնենք ամբողջ ճանապարհը: Ես կցանկանայի խաղալ եզրափակչում, Ամստերդամում՛՛: Միգուցե Այաքսի դեմ: Երբևէ մտածե՞լ եք վերադառնալ կարիերան ավարտելու համար. ՛՛Ոչ: Դե, երբեք մի ասա երբեք, բայց ես դեռ պայմանագիր ունեմ Ինտերի հետ մինչև 2015 և մտադիր եմ մնալ առնվազն մինչև պայմանագրի ավարտը՛՛: Կցանկանայի՞ք դառնալ Ինտերի ավագը, Նիդեռլանդների ավագ դառնալուց հետո. ՛՛Էհ, միգուցե... (ծիծաղում է): Բայց Զանետտին կխաղա մինչև 60 տարեկանը, և այդ ուղղությամբ յուրաքանչյուր ձգտում անօգուտ կլինի՛՛: Ինչո՞ւ եք այդքան լավ աշխատում Ստրամաչչիոնիի հետ: Այժմ դուք առաջատարն եք. ՛՛Որովհետև նա լավ է հասկանում խաղացողներին, ինչպես Մորատտին: Մենք այլ ուղղությամբ ենք շարժվում, բայց նոր գաղափարներով և մտահղացումներով, և մենք պետք է շարունակենք շարժվել այդ ճանապարհով՛՛: Դուք Ստրամաչչինոին ծարագրերի կենտրոնում եք գտնվում. ՛՛Նա շատ է զրուցում ինձ հետ ամեն ինչի մասին: Նա ստիպում է ինձ կարևոր զգալ, և դա լավ է ցանկացած խաղացողի համար՛՛: Երևի ձեզ համար հաճելի էր, որ դուք ոչ մի անգամ չհայտնվեցիք տրանսֆերային շուկայում այս ամառ. ՛՛Այո, բայց ես սովոր եմ դրան: Դա շատ անհարմար դրություն է, և այս անգամ իրոք ամեն ինչ ավելի լավ ընթացավ: Ես երջանիկ եմ, ես իսկապես շատ էի ուզում մնալ, որևէ պատճառ չեմ տեսնում հեռանալու համար: Ինձ դուր է գալիս թիմը, ակումբը և քաղաքը: Ինձ դուր է գալիս նաև մարզիչը՛՛: Բայց դուք մտածում էիք չէ՞ Ամերիկայի մասին. ՛՛Դա հեռավոր ապագայի պլաններ են: Եթե կինս շարունակի դերասանի իր կարիերան, ապա որպիսի միասին լինենք, ես ստիպված կլինեմ որոշում կայացնել, իսկ ՄԼՍ-ը վատ տարբերակ չի լինի: Բայց դեռ ոչ: Մենք հիմա երջանիկ ենք այստեղ: Յոլանտեն Ինտերի մեծ աջակիցն է և միշտ մտածել է, որ մենք կմնանք Միլանում՛՛: Այնուամենայնիվ, Միլանում ձեզ շատ էին քննադատում մի քանի դրվագների համար: Մարդիք ասում էին, որ դուք շատ հաճախ էիք դուրս գալիս ուտելու և խմելու. ՛՛Ինձ պետք է քննադատեն նրա համար, ինչ անում եմ խաղադաշտում, իսկ մնացածի համար անիմաստ է անհանգստանալը: Բայց ես հիմար չեմ: Ես դուրս չեմ գալիս ամեն երեկո, և այժմ ավելի քիչ եմ դուրս գալիս, քան առաջ էր: Այո, միգուցե ինձ քննադատողները ճիշտ էին, այքան հաճախ ռեստորաններում երևալը այքան էլ լավ միտք չէր: Փաստացի, ես այժմ տանն եմ սնվում՛՛: Ուրա՞խ եք Պացցինի - Կասսանո փոխանակման համար. ՛՛Ես ուրախ եմ նրանց համար: Ջամպաոլոն հիանալի հարձակվող է և իմ լավ ընկերը, բայց այժմ նրա պատմությունն Ինտերի հետ ավարտված է, ինչպես և Կասսանոյինը Միլանի հետ: Բոլորն էլ երջանիկ են՛՛: Կասսանոյին հավանո՞ւմ եք. ՛՛Կասսանոն մի փոքր խենթ է, բայց հիանալի խաղացող է: Նա, անկասկած, մեզ շատ կօգնի՛՛: Ինտերը կարող էր ձեռք բերել Դե Յոնգին, ինչպես դուք էիք ուզում, բայց նա հայտնվեց Միլանում. ՛՛Նրա համար նույնպես ուրախ եմ: Սիթիում նրա տեղը երաշխավորված չէր, իսկ Միլանում նա անկասկած կգտնի իր տեղը: Առաջին անգամ մենք հնարավորություն ունենք խաղալ իրար դեմ, մենք միասին ենք մեծացել, և շատ էմոցիաներ են առաջանում՛՛: Այսինքն հաջորդ դեբիում ինչ որ կրա՞կ կլինի. ՛՛Դերբիներում միշտ էլ կրակ կա՛՛: Ի՞նչ է նշանակում լինել ազգային հավաքականի ավագ, երբ թիմը գտնվում է վերակառուցման մեջ. ՛՛Այժմ ես մեծ պատասխանատվություն ունեմ և այլևս չեմ կարող հիմարություններ անել: Ես 28 եմ, և մեծացել եմ: Ես կփորձեմ անել ամենալավը թիմի համար՛՛: |
|
| |
| Մեկնաբանություններն ընդամենը՝: 4 | |||||||||
FcInter.am
Մրցաշարեր
Նորություններ
Պատմություն
FcInter.am
Piazzale Angelo Moratti,
20151 Milano, Italie +33 6 78 10 70 04 fcinter.am@gmail.com | |||||||||
0
