Ինտերի մարզիչ Անդրեա Ստրամաչչիոնիի հարցազրույցը Կատանիայի դեմ հաղթանակից հետո:

Ինչպե՞ս եք կարողանում մարզել այնպիսի ''վատ տղայի'', ինչպիսին Կասսանոն է.

''Մենք դրա համար զոդալամպ ունենք...'' , - ծիծաղելով պատասխանեց Ստրամաչչիոնին, սակայն Rai Sport-ի լրագրող Էնրիկո Վարիալին չհանգստացավ.

Կարո՞ղ եք տալ լուրջ պատասխան, գոնե մեկ անգամ, առանց հեգնանքի.

''Կարելի է կարծել ձեր հարցը լուրջ էր...'' ,- շարունակում է ժպտալ Ինտերի մարզիչը: Լրագրողների հերթական փորձը Ստրամաչչիոնիին հունից հանել չստացվեց:

Ինտերը կախման մե՞ջ է Կասսանոյից.

''Կասսանոյի ներդրումը հսկայական է, բայց ես կարծում եմ, որ այս Ինտերը, դա բոլոր խաղացողների գումարն է'':

Ինչպե՞ս կմեկնաբանեք խաղը.

''Կարևոր կետը պաշտպանությունն էր, քանի որ հարձակման գծում մենք միշտ վտանգավոր էինք: Մենք շատ ենք աշխատում դրա վրա: Մենք առաջին կեսում սխալ թույլ տվեցինք Ալմիրոնեի հետ դրվագում, և վերջ: Հարձակվողական եռյակը: Մենք ցանկանում էինք ցույց տալ, որ Ինտերը հաղթանակների է հասնելու հարձակման միջոցով, իսկ ավելի ուժեղ խաղացողները նրանց կպահեն թիկունքում: Արդյունքը դրական էր: Ինտերը շատ պահեր ստեղծեց, մրցակցին շանսեր չտալով: Այժմ խելացի չի լինի ուսումնասիրել մրցաշարային աղյուսակը: Մեր թիմը դեռ աճման փուլում է: Մարզիչը պետք է միայն փորձի լավացնել թիմի խաղը յուրաքանչյուր խաղին: Այսօր մենք քայլ կատարեցինք առաջ, տպավորիչ երկրորդ կեսով: Հնարավոր է, ասօր առաջին անգամ էր, երբ մենք հանգիստ գրոհում էինք, թույլ չտալով, որ մրցակիցը օգտվի հակագրոհելու հնարավորությունից'':

Ի՞նչ կարծիքի եք Գուարինի և Գոմեսի բախման մասին, Կատանիայի խաղացողները 11-մետրանոց էին պահանջում.

''Այդ դրվագն ինձ շատ զայրացրեց: Դա սխալ էր, որի համար մենք կարող էինք թանկ վճարել, մենք չենք կարող մեզ այդպիսի բաներ թույլ տալ: Այս անգամ մեր բախտը բերեց, բայց հաջորդ անգամ մենք կարող ենք պատժվել դրա համար'':

Կմեկնաբանե՞ք խաղացողների ելույթներն առանձին-առանձին.

''Կամբիասսոն այսօր արտակարգ լավն էր, ուղղակի հիանալի էր: Միլիտոն չէր կարողանում խփել: Այսօր Դիեգոն անհավանական խաղ ցուցադրեց, իր խաղընկերների համար մեծ տարածություն ստեղծելով, որբեմն նաև կառուցում էր գրոհները: Իսկ մրցաշրջանի վերջում մենք նրան կտեսնենք լավագույն ռմբարկուների մեջ: Այսօր Մուդինգայի հետ հետաքրքիր դրվագ եղավ. ես նրան հարցրեցի, թե լավ է արդյոք, նա ինձ հավաստիացնում էր, որ շատ լավ է, իսկ մի քանի րոպե հետո պարկած էր և գալարվում էր ցնցումներից: Մուդիի փոխարեն ես Գարգանոյին մտցրեցի, նա արդեն այդ դիրքում խաղացել էր դերբիի ժամանակ'':

Ինչպե՞ս եք ընտրում մեկնարկային կազմը.

''Դուք բոլորդ էլ տեսնում եք մեր մարզումները, դա անհավանական է... Ձեզ հնարավոր չէ զարմացնել մեկնարկային կազմով: Ինձ, երևի թե, պետք է ծածկել ամբողջ Պինետինան: Մենք միակ եվրոպական ակումբն ենք, որ պարապում է բաց դռներով, բայց ոչ երկրպագուների համար բաց մարզումներով, իսկ իրականում միայն նրանք իրավունք  ունեն տեսնել, թե մենք ինչ ենք անում: Այ կտեսնեք, ես կփակեմ մարզումները բոլորիդ համար...''