FcInter.am կայքը Ձեզ է ներկայացնում Ինտերի պատմության մեջ ամենաշատ հանդիպումներ անցկացրած ֆուտբոլիստներին:

10. Իվան Կորդոբա

Կոլումբիացի պաշտպանը, ով Ինտերում անցկացրել է գրեթե ողջ իր կարիերան, 1999-2012թ., ներաձուրրիի մարզաշապիկը կրել է 455 անգամ և նույնիսկ կարողացել մրցակիցների դարպասը խոցել 18 անգամ: Նա իր հրաժեշտի հանդիպումը անցկացրել է 2012թ. Միլանի դեմ խաղում, որտեղ Ինտերը հաղթանակ տոնեց 4-2 հաշվով: Այս պահին Կորդոբան զբաղեցնում է Ինտերի մենեջերի պաշտոնը:

9. Ալեսանդրո Ալտոբելլի (կենսագրություն)

Իտալացի հանրահայտ հարձակվող Ալեսանդրո Ալտոբելլին, ով Իտալիայի հավաքականի կազմում 1982թ. նվաճել է Աշխարհի Առաջնության գավաթը և կարողացել է եզրափակչում գոլի հեղինակ դառնալ` դառնալով առաջին ֆուտբոլիստը, ով եզրափակչում դուրս գալով փոխարինման, կարողացել է գոլ խփել: Ալտոբելլին Ինտերի կազմում հանդես է եկել 1977-1988թ.` ամբողջ կարիերան գրեթե նվիերլով Ինտերին, որից հետո տեղափոխվել է Յուվենտուս` այնտեղ հանդես գալով մեկ տարի: Ինտերում անցկացրել է 466 հանդիպում և կարողացել է 209 գնդակ հեղինակել:

8. Տարչիզիո Բուրնիչ (կենսագրություն)

Իտալացի լեգենդար այս ֆուտբոլիստը իր կարիերայի ընթացքում նվաճել է գրեթե բոլոր հնարավոր տիտղոսները, միակ տիտղոսը, որ նա չի կարողացել նվաճել դա Աշխարհի Առաջնության գավաթն է: Տարչիզիո Բուրնիչը Ինտերի կազմում անցկացրել է 467 հանդիպում:

7. Վալտեր Ձենգա

Իտալացի հայտնի դարպասապահ Վալտեր Ձենգան Ինտերում է անցկացրել իր կարիերաի հիմնական մասը: Ձենգան 1989, 1990, 1991 թվականերին ճանաչվել է լավագույն դարպասապահ: Ինտերի կազմում անցկացրել է 473 հանդիպում:

6. Մարիո Կորսո

Իտալացի հարձակվողը, ով հանդես է եկել Ինտերում 1957-73 թվականներում: Ինտերում անցկացրել է 502 հանդիպում, որոնցում կարողացել է աչքի ընկնել 94 անգամ:

(նակրում ձախից)

5. Ջուզզեպպե Բարեզի(կենսագրություն)

Անցյալում հայտնի ֆուտբոլիստ և արդեն այժմ Ինտերի մարզչական անձնակազմում իրեն հիանալի կողմերով դրսևորող Բարեզին Ինտերին է նվիրել իր ողջ ֆուտբոլային կարիերան: 1977-92թ. որպես ֆուտբոլիստ, իսկ 1997թ. մինչ այժմ աշխատում է Ինտերի մարզչական աշխատակազում: Բարեզին Ինտերի մարզաշապիկը, որպես ֆուտբոլիստ կրել է 559 անգամ:

(նկարում աջից)

4. Սանդրո Մացցոլա (կենսագրություն)

Ինտերի իտալացի լեգենդար հարձակվող Սանդրո Մացցոլան ամբողջ կարիերան նվիրել է Ներաձուրիին: Կարիերայի ընթացքում հաղթելով հնարավոր ամեն ինչ` Ինտերի հետ միասին, այդ թվում նաև երկու անգամ հռչակվել Չեմպիոնների Լիգայի հաղթող: Մացցոլան 16 տարիները Ինտերում անկրկնելի են եղել` 565 հանդիպում, որոնցում կարողացել է աչքի ընկնել 160 անգամ:

3. Ջանչիտո Ֆակետտի (կենսագրություն)

Պատահականություն, թե ճակատագրի բերումով` այս լեգենդար ֆուտբոլիստին միշտ 3 համարը "հետապնդում" է: Ֆուտբոլիստ` ով իր կարիերան սկսել է Ինտերում և ավարտել Ինտերում, ֆուտբոլիստ` ով անքան շատ բան է արել այս ակումբի համար, որ բառերն անգամ քիչ են: Ինտերի լեգենդը անցկացրել է 634 հանդիպում սև-կապույտ մարզաշապիկով:

2. Ջուզզեպպե Բերգոմի (կենսագրություն)

Ինչպես Ֆակետտին, Բերգոմին նույնպես սկսել և ավարտել է կարիերան Ինտերում: Իտալիայի հավաքականի ավագը Ինտերի կազմում անցկացրել է 758 հանդիպում:

1. Խավիեր Զանետտի

Ինտերի ներկայից ավագ, լեգենդ և ամենակարևորը` ՄԵԾ մարդ: 1995թ. տեղափոխվելով Ինտեր արգենտինական Բանֆիլդից` մինչ այս անկացրել է 845 հանդիպում և դեռ կանցկացնի տասնյակ հանդիպումներ` բարելավելով իր ռեկորդների քանակը: Բոլորիս հայտնի և սիրված Il Capitano-ն Ինտերի կազմում նվաճել է հնարավոր բոլոր տիտղոսները:


Խավիեր Զանետտի գիրքը հայերեն տարգմանությամբ կարող եք կարդալ այստեղ: